iklan

NASIONÁL, EKONOMIA, HEADLINE, POLÍTIKA

Baze sira atividade turístika nian aprova ona iha Konsellu Ministru

Baze sira atividade turístika nian aprova ona iha Konsellu Ministru

Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (29/03). Imajen Tatoli/Francisco Sony

DILI, 29 marsu 2023 (TATOLI) – Konsellu Ministru aprova projetu Dekretu-Lei, ne’ebé aprezenta husi Ministériu Turizmu, Komérsiu no Indústria, José Lucas do Carmo da Silva, ne’ebé estabelese ba baze sira atividade sira turístika nian.

“Objetivu prinsipál husi dekretu-lei ida-ne’e mak atu haforsa dezenvolvimentu ekonómiku no sosiál iha país ne’e, hodi respeita no prezerva ninia identidade no patrimóniu naturál, kulturál no istóriku”, Ministru Koordenadór Asuntu Ekonómiku, Joaquim Amaral, hatete iha Palásiu Governu, kuarta ne’e.

Porta-voz interinu Governu nian ne’e hatutan objetivu seluk husi diploma ida-ne’e atu organiza, promove, insentiva, monitoriza no fiskaliza atividade turístika sira, hodi kontribui ba dezenvolvimentu ekilibradu país nian, kria serbisu no hamenus ki’ak, insentiva setór privadu nasionál atu partisipa iha turizmu, estabelese mekanizmu partisipasaun no artikulasaun interinstitusionál, hadi’a kualidade moris komunidade lokál sira-nian no hasa’e seguransa turista no konsumidór nian.

Dekretu-lei ne’e mós estabelese prinsípiu jerál sira, ne’ebé inklui armonizasaun no igualdade, responsabilidade, sustentabilidade, transversalidade, kompetitividade no kolaborasaun no kooperasaun internasionál.

Notísia relevante: Ministru Turizmu aprezenta baze atu kria restribuisaun atividade turístika

Jornalista: Antónia Gusmão

Editora: Maria Auxiliadora

iklan
iklan

Leave a Reply

iklan
error: Content is protected !!