iklan

EKONOMIA, HEADLINE

Timor-Leste konfirmadu partisipa Expo Osaka iha Japaun

Timor-Leste konfirmadu partisipa Expo Osaka iha Japaun

Imajen espesial

DILI, 30 marsu 2023 (TATOLI)—Diretór Jerál Turizmu, iha Ministériu Turizmu Komérsiu no Indústria (MTKI), Jelino Soares, hateten, Timor-Leste konfirmadu ona atu partisipa Expo Osaka iha Japaun 2025.

“Kona-ba  Expo Osaka iha Japaun 2025, Timor-Leste konfirmadu ona atu partisipa iha evntu ne’e. Tanba foin lalais ita prense ona formuláriu partisipasaun Expo nian no haruka ba ona komisaun Organizadora Expo Osaka nian,” Jelino Soares dehan ba Agência Tatoli, iha nia-knaar fatin Farol, Dili, kinta ne’e.

Nia dehan, formuláriu ne’ebé Timor-Leste priense ne’e, hatudu katak prontu atu partisipa. Ne’ebé ba oin Timor-Leste hein de’it kontaktu hosi sira karik enkontru ruma hein partisipa de’it. Tanba nasaun ne’ebé atu partisipa iha Expo Osaka ne’e hamutuk 150.

Notisia relevante : MTKI koordena ho liña ministeriál ba preparasaun partisipa Expo Osaka 2025

Nia dehan, Timor-Leste hetan tan oportunidade partisipa iha Expo Osaka ne’e importante tebes, tanba antes ne’e Timor-Leste nia prezensa iha Expo Dubai, no nasaun maioria mak la koñese ka la hatene nasaun Timor-Leste.

“Entaun oportunidade ida ne’e, importante ba ita, lori Timor-Leste ba mundu, liuhosi promove ita-nia kultura no produtu sira. Tanba ita-nia produtu sira ne’ebé iha mai ho naturál la uza kímiku,” nia hateten.

Preparasaun ne’ebé daudaun MTKI halo mak koordena hela ho liña miniteriál sira hanesan Ministériu Agrikultura no Peska (MAP), no Ministériu Petróleu Minerál, (MPM), atu oinsá halo preparasaun aprezenta produtu lokál sira ne’ebé iha atu aprezenta iha Expo ne’e rasik.

Nia dehan, Timor-Leste nia preparasaun atu partisipa iha Expo Osaka ne’e di’ak tebes, tanba Timor-Leste iha rekursu naturál hanesan setór turizmu no produtu hosi agrikultura mak kafé, ai-kameli no seluk tan. Ida ne’e bele hatudu liuhosi Expo ne’e rasik.

Aleinde MTKI koordena ho liña ministeriál sira halo preparasaun produtu ba Expo Osaka ne’e, no Governu mós nu’udar Estadu ida sei kria ekipa organizasaun ba Expo Osaka 2025 hodi hili pavilliaun ida hanesan uluk Timor-Leste partisipa iha Expo Dubai.

Notisia relevante : Timor-Leste planeia partisipa Expo Osaka iha Japaun tinan 2025

“Kon-ba Pavilliaun ne’e rasik ita halo kontaktu ho komisaun organizadora Expo Osaka nian liuhosi ita nia Embaixada Japaun iha Timor-Leste, no  oinsá ita atu hetan rekezitu sira hodi prienxe iha pavilliaun ne’e. Tanba pavilliaun ne’e kompostu A,B,C. No pavilliaun C ne’e rasik ba nasaun sira sub-dezenvolvidu,” nia dehan.

Jornalista : Arminda Fonseca

Editora     : Armandina Moniz  

 

iklan
iklan

Leave a Reply

iklan
error: Content is protected !!