Aviaun VH-PUY sei transporta ekipamente teste mina no gás husi Austrália mai TL
COVALIMA, 31 marsu 2023 (TATOLI)-Jerente Kompañia Timor-Recources, Filomeno Andrade, hateten Aviaun VH-PUY sei transporta ekipamentu husi Austrália mai Timor-Leste hodi halo teste ba perfurasaun mina no gás iha posu Lafaek Covalima.
“Aviaun VH-PUY sei lori tan ekipamentu teste lori mai iha Dili, hafoin transporta mai iha suai tanba aviaun VH-PUY, kompañia iha relasaun di’ak ho kompañia Aero ida-ne’e, ekipamente teste perfurasaun. Ha’u bele hatete iha semana ne’e nia laran molok loron 5 fulan-abríl to’o ona Timor-Leste,” nia informa ba Agência Tatoli, iha posu lafaek Labarai, sesta ne’e.
Notísia Relevante :Abríl, Timor Resources hahú halo teste ba progresu perfurasaun mina no gás
Daudaun ne’e, nia esplika ekipa Kompañia Timor-Recources, trata hela lisensa iha Darwin Austrália molok transporte ekipamentu hirak ne’e mai Timor-Leste iha semana oin.
“Ita sei hein tan ekipamentu balun agora halo hela preparasaun sei iha tan aviaun ida mai de’it iha Dili hafoin mak lori ekipamentu teste mai iha Suai. Ami oras-ne’e trata hele lisensa iha Darwin Australia, bainhira lisensa prontu ona sei haree atu lori mai,” nia hateten.
Nia hateten hafoin to’o iha Timor-Leste, Aviaun VH-PUY mós sei transporta fila-fali ekipamentu balun ne’ebé maka Kompañia Timor Resources uza hodi halo perfurasaun antes ne’e hodi bá Jakarta-Indonézia.
“Ekipamentu sira ne’e Timor Resources aluga ho presu aas mai halo perfurasaun maibé la presija ona haruka fali ekipamentu hirak ne’e mai husi Jakarta hotu hafoin tula fali fali hodi transporta fali ba Jakarta,”nia dehan.
Notísia Relevante :Progresu perfurasaun posu Lafaek to’o ona metru 2,900
Jornalista: Celestina Teles
