iklan

NASIONÁL, EKONOMIA, HEADLINE

Governu identifika Arbiru Beach hanesan pontu xegada ba kabu submarinu

Governu identifika Arbiru Beach hanesan pontu xegada ba kabu submarinu

Ministru Transporte no Komunikasaun, José Agustinho da Silva. Imajen Tatoli/Egas Cristóvão

DILI, 31 marsu 2023 (TATOLI) – Ministru Transporte no Komunikasaun, José Agustinho da Silva, informa Governu deside ona Arbiru Beach, iha Bebonuk, munisípiu Dili, hanesan lokál ba pontu xegada kabu submarinu.

“Projetu fibra óptika iha mós obra iha rai-maran nian. Agora prepara cable landing point katak bainhira kabu ne’e dada mai ninia aterrazen ne’e iha ne’ebé. Kona-ba ida ne’e, daudaun konkursu públiku iha hela Komisaun Nasionál Aprovizionamentu [CNA]. Tuir informasaun ne’ebe ha’u hetan, prosesu ne’e konklui ona no espera katak tempu badak bele anunsia rezultadu. Cable landing point ne’e identifika ona atu instala besik ótel Arbiru [Bebonuk]”, Ministru Transporte hateten, iha Palásiu Governu, sesta ne’e.

Fatin atu instala kabu refere daudaun ne’e sei mamuk hela, tanba konkursu sei iha hela CNA no prosesu seluk hanesan estatutu ba rai Ministériu Justisa define ona.

Tuir orientasaun Primeiru-Ministru nian katak molok mandatu Governu Daualuk ramata realiza ona lansamentu fatuk dahuluk ba projeteu refere.

Nia salienta katak ba projetu fibra óptika iha área tasi-laran nian ramata ona tanba empreza konklui ona peskiza no tenkniku sira hosi ministériu relavante lideradu Vise-Primeiru-Ministru Asuntu Infraestrutura, José Reis, daudaun serbisu maka’as hodi aselera prosesu ne’e.

Notísia relevante : https://tatoli.tl/2023/03/13/produsaun-kabu-fibra-otika-tenke-tuir-profundidade-tasi/

Governu prevee millaun $41,6 ba verba Fundu Infraestrutura iha proposta lei Orsamentu Jerál Estadu (OJE) 2021 hodi halo akizasaun ba ekipamentu informátika kabu submarinu (fibra óptika).

Rekorde katak Governu Timor-Leste no empreza ASN asina ona, iha maiu 2022, kontratu ba akizasaun no instalasaun ba ligasaun dijitál iha Timor-Leste, liuhusi kabu submarinu iha sidade Darwin no Port Hedland iha Commonwealth Austrália nian.

Projetu ne’e konta ho millaun $38,6 no iha durasaun entre 01 jullu 2022 no 31 janeiru 2024.

Jornalista: Antónia Gusmão

Editora: Maria Auxiliadora

iklan
iklan

Leave a Reply

iklan
error: Content is protected !!