iklan

MUNISÍPIU, VIQUEQUE

Astronómu hosi Malázia kontente asiste fenómenu eklipse solár iha Timor-Leste

Astronómu hosi Malázia kontente asiste fenómenu eklipse solár iha Timor-Leste

Asrónomu Malázia, Ernest Yong. Imajen Tatoli/Vitorino Lopes da Costa

VIQUEQUE, 20 abríl 2023 (TATOLI)—Asrónomu hosi Malázia, Ernest Yong, sente kontente asiste direta fenómenu eklipsi solár iha Timor-Leste, liu-liu iha Viqueque ne’ebé sirkula 100%.

“Ha’u agradese ba Maromak tanba bele hakat mai Timor Leste hodi asiste eklipse solár. Maski suku Maluru-Beaço. Maski munisípiu Viqueque dook, maibé ha’u kontente tebes bele to’o mai no asiste,” Ernest Yong hateten hafoin akompaña fenómenu naturál iha Beaço, kinta ne’e.

Notísia relevante : Governu konsidera eventu eklipse solár sai istória ba Timor

Nia mós nota, klima ohin kapas tebes hodi akompaña eventu ne’e.

“Eklipse solár ne’e ha’u asiste ba dala-ualu ona no agora ha’u idade avansadu ona. Ha’u haree dahuluk iha nasaun Sahara Áfrika, agora ha’u mai asiste tan iha Timor Leste. Tinan oin 2024 sei akontese iha Amérika ne’ebá,” nia haktuir.

Nia dehan, bainhira abitante sira hakarak akompaña ho di’ak, tenke uza oklu própriu tanba bainhira la uza mak hateke direta bele estraga mata no a’at liu labele haree totál.

“Agora iha ne’e populsaun sira barak mak la uza oklu, ida-ne’e sai perigu ba sira-nia matan. Se la uza oklu di’ak liu labele haree atu nune’e labele estraga matan,” Astrónu ne’e hameno.

Tuir dadus hosi Ministériu Turizmu Komérsiu Indústria rejista turista no astrónomu ne’ebé asiste fenómena iha Beaço hosi nasaun Fransa na’in-rua, Austrália na’in-rua, Malazia na’in-rua, Amérika na’in-14, Polándia na’in-ida inklui Jornalista hosi Indonezia na’in-ida.

Jornalista     : Vitorino Lopes da Costa
Editora          : Julia Chatarina

iklan
iklan

Leave a Reply

iklan
error: Content is protected !!