Ahi han uma ida iha suku Beco
COVALIMA, 28 abríl 2023 (TATOLI) –Ahi han mutuk uma ida iha suku Beco, postu administrativu Suai, munisípiu Covalima, halo vítima Erquita de Jesus ho nia família labele salva nia sasán uma laran maibé konsege salva de’it motorizada rua.
“Inséndiu ka ahi han vítima Erquita de Jesus nia uma, tein iha hela dapur maibé nia ama mak nonton televizaun derepende ahi suar iha uma kakuluk halo nia hakfodak halai sai hosi dapur laran labele halo buat-ida no ahi han motuk ona uma, Nune’e, halo ami labele salva sasán uma laran,” vítima Erquita de Jesus haktuir ba Agência Tatoli, iha aldeia Haemanu, suku Beco, postu administrativu suai, sesta ne’e.
Insendiu ne’e akontese iha tuku 186h30 lorokraik, família la hatene motivu hosi inséndiu maibé antes ne’e ahi sempre sirkuitu hela de’it no to’o horisehik (27/04/23) ahi han mutuk uma ida, nune’e halo família sira labele salva sasán uma laran maibé konsege salva de’it motorizada rua tanba rai de’it iha li’ur.
Xefi suku Beco, Armindo Bernardino Lopes hateten, insensidiu ne’e akontese iha kinta (27/04/23) maizumentu tuku 18h30 lorokraik akontese insendiu iha suku Beco no sasán uma laran la salva.
Durante akontese inséndiu, joven no komuniade ho inisiativa rega bee atu hamate ahi, atu salva sasán uma-laran maibé la konsege salva nune’e sasán uma laran ahi-han mutuk hotu.
“Hafoin akontesesimentu ha’u nu’udar lideransa ha ú hato’o ona informasaun liuhosi karta formál maibé hato’o ona informasaun liuhosi telefónika ba Autoridade Protesaun Sívíl (APC-sigla portugés) maibé to’o agora vítima seidauk hetan apoiu emerj’ensia hosi parte relevante sira,” nia dehan.
Jornalista : Celestina Teles
Editór : Cancio Ximenes
