MANUFAHI

PVT kompromete sei harii sentru formasaun profísionál empregu verde

PVT kompromete sei harii sentru formasaun profísionál empregu verde

Partidu os Verdes de Timor (PVT) ho númeru sorteiu neen (6), halo kampañia eleitorál ho ripu komísiu iha Manatuto Vila, segunda (01 maiu 2023). Imajen Tatoli/Osória Marques.

MANATUTO, 01 maiu 2023 (TATOLI)—Prezidente Partido os Verdes de Timor (PVT), António Lela Huno, hateten bainhira povu Manatuto fó fiar mak PVT kompromete sei implementa komprimisiu hodi harii sentru formasaun profisionál empregu verde.

Notísia Relevante: PVT prioritiza dezenvolvimentu kuidadu saúde Sekundária-Tersiaria

“Karik Partido os Verdes de Timor sei ultrapassa barreira lima to’o hitu, sei utiliza orsamentu subvensun públika ne’ebé direitu partidu nian hodi implementa kompromisu polítika hodi harii sentru formasaun profesional empregu verde nia oan sira iha área téknika, língua, molok ita implementa empregu verde,” Lela Huno hateten iha kampañia eleitorál ho tipu komísiu ne’ebé realiza iha kampu futebol Manatuto Vila, segunda ne’e.

Nia hatutan, programa seluk mak sei servisu hamutuk ho verde mundial atu implementa programa empregu hamutuk 50.000 ba família empregu no sei prepara verde nia oan 1000 hodi ba eskola hetan matenek ba tinan 10 no 20 mai.

“Osan sira-ne’e ita sei uza subvesaun públiku partidu nian hodi liberta verde nia oan sira,” Lela Huno hateten.

Programa os Verdes mak hanesan Aselera desentralizasaun podér lokál; edukasaun no informasaun (investe iha pré-eskolár, eskola tékniku vokasionál  no formasaun profesionál); Saúde (kuidadu saúde primária, sekundária no terseiru); inkluzaun sosial, protesaun sosial no solidaridade; infraestrutura (avansa ho sidade verdes); agrikultura, pekuária, peskas no florestas; Turizmu (dezenvolve turizmu komunitária, turizmu ekolójiku, turizmu aventura, turizmu relijiozu, turizmu istóriku, turizmu kulturál no etnográfiku );  komérsiu no indústria; reforsa setór finanseiru; ikusliu mak kompromisu kontinua apoiu projetu tasi mane.

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!