iklan

ELEISAUN, HEADLINE, MUNISÍPIU, OÉ-CUSSE (RAEOA), POLÍTIKA

Eleitór Oé-Cusse 54.291 elijível vota iha eleisaun parlamentár

Eleitór Oé-Cusse 54.291 elijível vota iha eleisaun parlamentár

Ofisiál eleitorál fasilita formasaun ba polin-staf sira iha sub-rejiaun Oésilo. Imajen STAE.

OÉ-CUSSE 04 maiu 2023 (TATOLI) – Sekretariadu Tékniku Administrasaun Eleitorál (STAE), Rejiaun Administrativa Espesiál Oé-Cusse Ambeno (RAEOA), rejista eleitór elijível atu ezerse sira-nia direitu votu iha eleisaun parlamentár, loron 21 maiu iha Oé-Cusse hamutuk 54.291.

Notísia relevante: IGE Oé-Cusse hahú hadi’a estrada asesu ba sentru votasaun  

“Lista elijível iha Oé-Cusse ne’ebé aprovadu ona atu tuir eleisaun iha 21 maiu hamutuk 54.291, mane 27.681 no feto 26.610, dadus ne’e fiksa ona atu tuir eleisaun,” Diretora STAE Oé-Cusse, Luiza da Costa, kinta ne’e.

Hosi eleitór 54.291, envolve mós eleitór foun sira-ne’ebé idade foin atinje tinan 17, tanba antes ne’e STAE hala’o resenseamentu baze dadus iha nivél sub-rejiaun sira barak maka hahú halo kartaun foun balu hadi’a, ne’ebé totál hamutuk 1.138, tanba bazea dadus 2022 STAE rejista hamutuk 53.153,  komposta hosi mane 27.407  no feto 26.106.

“Agora sentru votasaun nafatin, iha 21 abril ne’e, públika ona iha Jornál Repúblika, Oé-Cusse estabele sentru votasaun 80 no estasaun votasaun 115, ne’ebé agora ita prepara ona, sira-nia kondisaun, liuliu ba ahi, bee-moos,” nia katak.

Tuir nia, antes ne’e tékniku sira hosi STAE identifika ona sentru votasaun barak mak laiha kondisaun di’ak, maibé hafoin submete pedidu apoiu iha Autoridade.

“Lista sentru votasaun ne’ebé laiha kondisaun iha entrega ona, tanba ita serbisu hamutuk ho parte autoridade sira, tanba ita hakarak eleisaun iha Oé-Cusse tenke la’o di’ak, tán ne’e ita agradese tanba ekipa hosi Autoridade RAEOA hahú tun ona iha baze atu haree no hadi’a sentru votasaun sira-ne’ebé laiha kondisaun,” nia orgullu.

Notísia relevante: STAE identifika sentru votasaun balun iha Oé-Cusse seidauk iha fasilidade adekuada

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!