iklan

ERMERA, HEADLINE

Iha Hatolia, PLP kompromete kontinua programa ne’ebé halo ona

Iha Hatolia, PLP kompromete kontinua programa ne’ebé halo ona

Prezidente Partidu Libertasaun Popular-PLP, Jenerál Taur Matan Ruak. Imajen Tatoli/Francisco Sony

ERMERA, 03 maiu 2023 (TATOLI)– Partidu Libertasaun Populár (PLP) kompromete katak kontinua implementa programa sira hanesan Cesta bázika, Uma Naroman ba Povu (UNP), subsídiu fim-do-ano, subsídiu terseira idade, subsídiu ka saláriu autoridade lokál, rehabilitasaun eskola, bolsa jerasaun foun, bolsa estudu parsiál, rehabilita sede suku, no seluktan.

“Programa sira ne’ebé mak ita halo ona ne’e ita tenke kontinua halo. Purezemplu, programa Cesta bázika, ita sei hadi’a liután para povu kontente,” Prezidente PLP, Taur Matan Ruak, hato’o ba militante no simpatizante PLP iha Postu administrativu Hatulia B, munisípiu Ermera, kuarta ne’e.

Líder másimu partidu ho sorteiu nú. 3 ne’e hateten katak bainhira nia sai Primeiru Ministru, buat ne’ebé mak povu husu, pratikamente, nia halo. “Kala ida ka rua mak la kumpri karik. Mas barak ne’e ha’u halo hotu no h’au bele konta ba imi”.

“Kuandu ha’u la’o perkorre Timor tomak, ha’u haree katak Nai liurai sira serbisu maka’as loos hodi tau-matan ba sidadaun sira. Entaun ha’u aumenta osan Nai xefe suku, xefe aldeia no konsellu suku,” Eis-prezidente repúblika ne’e relembra.

“Xefe suku uluk manan de’it $140 no agora manan $250. Xefe aldeia sira uluk manan de’it $75 maibé agora manan $150 no konsellu suku mós hanesan,” nia énfaze.

Autoridade másima PLP ne’e salienta katak durante nia mandatu hasa’e mós subsídiu ba idozu sira.

Lider partidu ho lema ‘Hisik kosar ba moris di’ak’ ne’e relata, iha ninia mandatu, harii sede suku foun hamutuk 452 iha Timor laran tomak.“Ita halo Uma Naroman ba Povu, iha tinan tolu nia laran ita halo uma hamutuk 9.000 resin,” Taur akresenta.

Entretantu programa prioridade PLP ne’ebé durante ne’e hato’o nu’udar kompromisu iha kampaña hamutuk sanolu, hanesan:

  1. Sosiál;
  2. Edukasaun;
  3. Kria Fundu $1 billiaun ba Setór Produtivu ho funan 0% to’o 3%.
  4. Turizmu, transporte no telekomunikasaun:
  5. Kria Fundu Rotativu ba moradó/komunidade tradisionál, jovens, artista, pintór, feto, desportu, kada suku $30,000 ba fulan 6 to’o tinan 1.
  6. Ambiente;
  7. Espanda projetu komunitáriu ba aselera dezenvolvimentu rurál liuliu estrada, dada bee, eletrisidade, eskola, klínika, Uma Naroman ba Povu, nsst.
  8. Halo Ordenamentu Territóriu no Rekualifikasaun Sidade Dili;
  9. Efisiénsia, Efikasia no sustentabilidade iha Governasaun foun;
  10. Investe iha no Moderniza sistema servisu Saúde no redus pasiente ba rai-li’ur.

Notísia relevante:PLP sei lori prioridade tolu ba povu nia moris

Jornalista  : Filomeno Martins

Editora      : Nelia Borges

iklan
iklan

Leave a Reply

iklan
error: Content is protected !!