DILI, 04 maiu 2023 (TATOLI)—Konsellu Administrasaun Fundu Infraestrutura (KAFI) halo reuniaun no delibera ona projetu reabilitasaun estrada ba postu administrativu Laklubar, no Soibada, munisípiu Manatuto.
Tuir nota ne’ebé Agência Tatoli asesu iha kinta ne’e, desizaun aprovasaun projetu reabilitasaun estrada rua ne’e deside iha loron 02 abríl, liuhosi reuniaun KAFI ne’ebé lidera hosi Prezidente KAFI no atuál Vise Primeiru-Ministru no Ministru Planu no Ordenamentu, José Maria dos Reis, ne’ebé partisipa mós Ministru Obra Públika, Abel Pires, inklui membru no tékniku sira hosi ministériu relevante no dirijente instituisaun tutela.
Notísia relevante : Reabilitasaun estrada ligasaun Manatuto to’o Baucau ho valór millaun $2,8
Projetu reabilitasaun estrada munisipál hosi kruzamentu Laklubar to’o Laklubar Villa ho distánsia kilómetru 10, enkuantu hosi Soibada Villa ho distánsia kilómetru 9.
Hafoin aprovasaun ne’e, sei ba prosesu aprovizionamentu hodi buka manán-na’in molok halo lansamentu no implementasaun ba projetu rua.
Aleinde ne’e, KAFI mós delibera bee no saneamentu ba munisípiu Baucau nian.
Jornalista : Arminda Fonseca
Editora : Julia Chatarina
