COVALIMA, 05 maiu 2023 (TATOLI)–Konsilleiru Másimu Partidu Kmanek Haburas Unidade Nasionál Timor Oan (KHUNTO), Jose dos Santos Naimori Bucar, hateten bainhira povu fó konfiansa iha eleisaun parlamentár ne’e mak KHUNTO hakarak harii unidade entre joven sira hodi husik pasadu.
Notísia Relevante: KHUNTO promete sei dezenvolve setór edukasaun
“Partidu KHUNTO, hosi ha’u hakarak harii unidade ba joven-sira no hakarak rai no husik pasadu ne’ebé mak merese la presiza atu hanoin ona. Ita koko lori buat foun ba ita-nia futuru ne’ebé di’ak no ita hotu nia Liberdade,” Jose dos Santos Naimori Bucar hato’o iha kampaña eleitorál ho tipu komísiu ne’ebé realiza iha Kampu Ladi, sesta ne’e.
Naimori hateten, maske partidu ne’ebé kiik ho boot nia hanoin di’ak ba nasaun no povu ida-ne’e maibé hakarak eduka jerasaun foun atu prepara sira-nia mentalidade bele lori sira-nia mehi atu kontinua iha rai ida-ne’e.
Tanba, dala barak ema hotu hakarak sira-nia mehi hanoin iha sira-nia oin, haluha sira-nia pasadu maibé ida-ne’ebé pasadu mak sira hateten mate ka moris ukun rasik aan, maibé tanba polítika sira fahe malu hodi destroi sira-nia unidade la’o tempu naruk durante sira hamutuk.
Bazea ba realizade no esprénsia hirak ne’e, nia hateten, partidu KHUNTO hakarak harii unidade ba joven sira no lori buat foun ba joven sira atu husik ona pasadu.
Ho nune’e, nia mós husu joven no militante sira tenke matein dixiplina atu labele haklalak no barullu iha karreta leten, nune’e la bele prezudika ema seluk atu deskansa.
Jornalista : Celestina Teles
Editór : Cancio Ximenes
