iklan

NASIONÁL, POLÍTIKA

Timor-Leste adere ba ASEAN vantajen iha ekonomia rejionál

Timor-Leste adere ba ASEAN vantajen iha ekonomia rejionál

Seremónia Isar Bandeira iha ámbitu komemorasaun loron Restaurasaun Independénsia Timor-Leste nian ba dala-21, iha Palásiu Prezidensiál, sábadu (20/05). Imajen Tatoli/Francisco Sony.

DILI, 20 maiu 2023 (TATOLI)—Prezidente Repúblika (PR), José Ramos Horta, hateten Timor-Leste adere ba Association of South East Asian Nations (ASEAN) vantajen iha ekonomia rejionál.

Notísia Relevante: Reinu Unidu apoiu Timor-Leste nia adezaun ba ASEAN

“Timor-Leste tama ba ASEAN no hakat ne’e loke dalan ho vantajen iha ekonomia rejionál ne’ebé iha ema hamutuk millaun 700 ho PIB tomak hale’u dolar trillaun haat,” PR Horta hateten  liuhosi diskursu iha serimónia komemorasaun loron restaurasaun indepedénsia 20 maiu ba dala-21 iha Palásiu Prezidensiál Nicolau Lobato, Bairru Pite, sábadune’e.

Tuir Xefe Estadu, maibé progresu buras hosi lideransa lejítima, kompetente, ho barani ne’ebé haree naruk ba mundu, ho koñesimentu kona-ba ekonomia, iha planu estratéjiku dezenvolvimentu nian ho ambisaun uitoan, ho polítika moos ne’ebé fó biban ba investimentu nasionál no internasionál.

Nia dehan, tenke kaer no uza nafatin rekursu hirak ne’ebé temi nu’udar ‘la renovável’ hodi taka tranzisaun ba ekonomia ‘verde’.

Timor-Leste klasifika nu’udar mizerável iha lista Banku Mundiál kona-ba tempu ne’ebé gasta atu aprova investimentu, iha nasaun seluk hanesan Singapura no Vietname, prosesu hosi A to’o Z hodi tama no sirkula dokumentu to’o aprova lori oras balun ka loron balu de’it.

Iha Timor-Leste, instituisaun Estadu nian mak taka dalan, hapara investimentu no lala’ok ne’e la’o hanesan kadiuk besik tinan 20 ona no la’o hanesan ne’e, Timor-Leste sei hetan estatutu mizerável nian.

Maibé, nia dehan, la’ós atu sai hanesan ne’e, Timor-Leste moris mai hosi mehi no hosi matebian sira sei bele hetan tulun aas no haree nasaun ida riku, ho ema moris ho ksolok no dame.

Iha tinan sanulu nia laran tuir mai, Timor-Leste sei hatuur ekonomia ho enerjia moos no renovável.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!