DILI, 21 maiu 2023 (TATOLI)—Partidu Congresso Nacional da Reconstrução Timorense (CNRT) ho númeru sorteiru 12, manán ho votu 224 iha Sentru votasaun Eskola Primária Filiál Metiaut, postu administrativu Kristu Rei, munisípiu Dili.
Notísia Relevante: ElPar 2023 : Fiar CNRT sei manán, Xanana: joven labele provoka malu
Tuir rezultadu kontajen hosi órgaun eleitorál ba Partidu Dezenvolvimentu Nasionál (PDN) ho votu 0, PLPA tolu, PLP 85, PD 82, KHUNTO 30, Partidu Verde Timor 21, UDT ida, PUDD neen, PR rua, UNDERTIM 0, FRETILIN 179, CASDT rua, MLPM 0, PST 0, PDC 0 no APMT 0.
Iha prosesu kontajen ne’e votu nulu ualu, branku rua, rezeitadu no reklamadu 0.
Tuir observasaun jornalista Agência Tatoli iha terrenu nota katak prosesu kontajen ne’e hala’o direta hosi ofisiál eleitorál hosi Sekretariadu Tékniku Administrasaun Eleitorál (STAE) tuir prosedimentu eleitorál ne’ebé iha, no prosesu eleisaun ramata iha tuku 15h00 lokra’ik, ba iha kontajen ramata iha tuku 18 ho balun.
Iha prosesu kontajen ne’e lao transparente tanba hetan akompañamentu hosi brigadista partidu polítiku sira hotu, enkuantu observa mós hosi observadór nasionál no internasionál no akompaña seguransa hosi membru Polísia Nasionál Timor-Leste (PNTL) ho situasaun hakmatek.
Jornalista : Nelson de Sousa
Editór : Cancio Ximenes
