Liquiçá, 21 maiu 2023 (TATOLI) – Partidu Congresso Nacional para a Reconstrução de Timor-Leste (CNRT) ho númeru sorteiu 12, manán ho votu 607, iha suku Mota-Ulun, postu adminsitrativu Bazartete, munisípiu Liquiçá – iha sentru votasaun Eskola Sekundária Filiál Bogoro hamutuk 395 no aldeia Mota-Ikun ho votu 212.
Iha sentru votasaun rua ne’e, Partidu Os Verdes de Timor (PVT) hetan votu 226, Partidu Demokrátiku (PD) 161, Frente Revolucionária de Timor-Leste Independente (FRETILIN) 131, Kmanek Haburas Unidade Nasionál Timoroan (KHUNTO) 85, Partidu Unidade Dezenvolvimentu Demokrátiku (PUDD) 56 no Partidu Libertasaun Popular (PLP) 49.
Enkuantu Associação Popular Monarquia Timorense (APMT) hetan votu 12, Centro Ação Social Democrata Timorense (CASDT) 11, Unidade Nacional Democrática da Resistência Timorense (UNDARTIM) hitu no União Democrática Timorense (UDT) ho Partidu Democrata Cristão (PDC) hetan votu lima kada partidu.
Nune’e mós Partidu Dezenvolvimentu Nasionál (PDN) hetan votu haat, Partidu Republikanu (PR) tolu, Partidu Liberta Povu Aileba (PLPA), Movimentu Libertasaun Povu Maubere (MLPM) no Partidu Sosialista Timor (PST) hetan votu ida kada partidu.
Tuir kontajen husi ofisiál eleitorál, totál nulu hamutuk 27, branku ida no la rejista votu reklamadu no rezeitadu.
Tuir observasaun Tatoli, prosesu kontajen votu hahú iha tuku 16:00 no termina iha 19:30 la’o ho hakmatek, tanba hetan seguransa husi Polísia Nasionál Timor-Leste, munisípiu Liquiçá, supervizaun husi Komisaun Nasionál Eleisaun (CNE, iha portugés) no akompaña husi fiskál partidu polítiku no komunidade.
Tuir dadus husi Sekretariadu Tékniku Administrasaun Eleitorál, suku Mota Ulun rejista eleitór hamutuk 1.393.
Notísia relevante: Abitante Bazartete husu Governu foun kumpri promesa eleitorál
Jornalista: Afonso do Rosário
Editora: Isaura Lemos de Deus
