iklan

EKONOMIA, BAUCAU, ELEISAUN, HEADLINE, MUNISÍPIU, POLÍTIKA

Povu nia votu determina futuru nasaun

Povu nia votu determina futuru nasaun

Prezidente Autoridade Munisipál (PAM) Baucau, Olivio ‘Boul-Lesa’ Freitas. Imajen Agência TATOLI/Natalino Belo.

BAUCAU, 21 maiu 2023 (TATOLI) – Prezidente Autoridade Munisipál (PAM) Baucau, Olivio ‘Boul-lesa’ Freitas konsidera povu nia votu liuhosi eleisaun parlamentár determina nasaun nia futuru.

Prezidente Autoridade Munisipál (PAM) Baucau, Olivio ‘Bou-lesa’ Freitas, esplika, demokrasia nu’udar meiu atu povu ezerse nia direitu no devér atu hili governasaun foun ne’ebé importante atu kria dezenvolvimentu ba povu nia moris no nasaun.

“Povu hotu iha direitu no devér ba vota tanba nu’udar sidadaun votu ne’e esensiál hanesan osan-mean, nu’udar sidadaun iha direitu deside,” Prezidente Autoridade Munisipál Baucau hateten iha Vila Nova, domingu ne’e.

Partidu polítiku ne’ebé mak lidera governu foun mai ukun Timor-Leste, maibé konforme ba programa vizaun no misaun ne’ebé fó-sai ona liuhosi kampaña eleitóral, enkuantu sei kontinua ka muda programa ukun mak foin bele hatene.

Tuir Bou-lesa, governasaun foun mai importante liu atu kontinua programa hotu ne’ebé hala’o ona hodi lori ekonomia ba Timor-Leste. 

“Ha’u apelu ba povu Baucau hotu atu ba vota,” Bou-lesa akresenta.

Tuir observasaun Agência Tatoli iha terrenu nota, prosesu eleisaun iha sentru votasaun hotu postu Baucau Vila, hahú abertura iha oras 07:00 ho situasaun ne’ebé hakmatek inklui hetan seguransa másimu hosi membru Polísia Nasionál Timor-Leste (PNTL).

Jornalsita    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!