Rezultadu apuramentu iha Covalima, provizoriamente CNRT lidera ho votu 3,750
COVALIMA, 22 maiu 2023 (TATOLI)—Sekretáriu Tékniku Administrasaun Eleitorál munisípiu Covalima, segunda ne’e, hahú realiza prosesu apuramentu munisipál iha tuku 08h00 dadeersan to’o tuku 12h15 ne’e, provizoriamente Partidu Kongresu Nasionál Rekonstrusaun Timor-Leste (CNRT) lidera ho votu 3,750 (37,77%), iha rezultadu eleisaun parlamentár 2023.
Notísia Relevante: STAE Covalima hahú hala’o apuramentu munisipál
Ho nune’e, rezultadu tabulasaun provizóriu munisípiu Covalima, partidu polítiku ho númeru sorteiu 12 lidera dahuluk ho votu 3,750, iha fatin daruak tuir kedas ho Parrtidu FRETILIN ho votu 1,565, PD ho votu 1,552, PLP ho votu 900 no PUDD ho votu 436.
Entretantu, Partidu KHUNTO konsege halibur votu 387, PVT ho votu 213, PLPA ho votu 33, CASDT ho votu 32, APMT ho votu 31, PST ho votu 22, PR ho votu 18, MLPM ho votu 14, UDT ho votu 12, PDN ho votu 11, PDN ho votu 11, PDC ho votu 11 no UNDERTIM ho votu ualu (8).
Iha munisípiu Covalima ne’e, iha totál akta hamutuk 100 ho estasaun votasaun 120 ne’ebé sei halo prosesu apuramentu munisipál.
Provizóriamente, prosesu apruramentu hahú iha tuku 08h00 dadeer to’o ona 12h15 ne’e, akta ne’ebé dijitaliza hosi STAE iha apuramentu munisípiu hamutuk akta 28, nune’e seidauk dijitaliza akta hamutuk 72.
Jornalista : Celestina Teles
Editór : Cancio Ximenes
