Eleitór Bobonaro 58,659 ezerse votu iha Eleisaun Parlamentár

MALIANA, 23 maiu 2023 (TATOLI) – Sekretariadu Tékniku Administrasaun Eleitorál (STAE) rejista totál eleitór rejistadu iunisípiu Bobonaro  na’in-72,537. Hosi númeru ne’e na’in-58,659 mak ezerse sira-nia direitu votu iha eleisaun parlamentár 21 maiu 2023.

Prezidente Asembleia Apuramentu munisipál Bobonaro, Mariano Viegas Amarál, konfirma taxa partisipasaun 80,87%. Hosi númeru ne’e iha votu nulu 963 (1,64%), branku 147 (0,25%),  reklamadu 43 (0,07%), rezultadu ne’e hatudu totál votu válidu 57,495 (98,02).

Notísia relevante: CNRT manán iha Bobonaro ho votu 25.199

“Ita halo komparasaun ba eleisaun tinan kotuk, taxa partisipasaun ba eleisaun ida-ne’e maka’as oituan,” nia informa ba jornalista sira, iha Maliana hafoin públika rezultadu apuramentu munisipál, tersa ne’e.

Enkuantu tuir Rezultadu Resensiamentu no Atualizasaun Baze Dadus Eleitorál, iha loron 17 janeiru to’o 31 marsu 2023 totál eleitór  na’in-72.889 komposta hosi mane 37.517 no feto 35.372.

Purtantu totál eleitór foun na’in-1.690 komposta hosi mane 981 no feto 709, dadus eleitór aktualizadu 3.829. Hosi númeru ne’e mane 2.100, feto 1.729 no eleitor ne’ebé apaga hamutuk 474, mane 263 no feto 211.

Hosi númeru ne’e eleitór ne’ebé elijível hamutuk na’in-72,537 komposta hosi mane 37,335 (51%) no  feto 35,202 (49%). Enkauntu eleitór ne’ebé la elijível hamutuk na’in-352 komposta hosi mane 182 no feto 170.

Eleitór eleitór elijível hirak-ne’e mai hosi postu administrarivu neen komposta hosi Atabae totál 8.843, komposta hosi mane 4.951 no feto 3.892, Balibo 11.827 iha mane 6.113 no feto 5.714.

Bobonaro na’in-17.700 iha mane 8.753, feto 8.946. Cailaco na’in-7.873 iha mane 4.338 no feto 3.535. Lolotoe na’in-5.388 iha mane 2.646, feto 2.742 no postu administrativu Maliana hamutuk na’in-20.906 komposta hosi mane 10.533 no feto 10.373.

Entretantu totál sentru votasaun (CV, sigla portugés) iha munisípiu Bobonaro hamutuk 150 no Estasaun Votasaun (EV, sigla portugés) 170 mai hosi postu administrativu Atabae iha CV 14 no EV 16.

Hosi parte Balibo CV 22 no EV 26, Bobonaro CV 48 no EV 50, Cailaco iha CV 17 no EV 18, Lolotoe iha CV 17 no EV 18 no postu administrativu Maliana iha CV 34 no EV 42.

Notísia relevante: Eleitór Bobonaro 72.537 elijível vota iha eleisaun parlamentár

Jornalista   : Sérgio da Cruz

Editór          : Evaristo Soares Martins