Top

CNE hahú hala’o apuramentu nasionál

Prezidente Komisaun Nasionál Eleisaun (CNE), José Agostinho da Costa Belo. Imajen Tatoli/Egas Cristovão.

DILI, 24 maiu 2023 (TATOLI)—Komisaun Nasionál Eleisaun (CNE), kuarta ne’e, hahú hala’o apuramentu nasionál hodi verifika votu reklamadu hosi eleisaun lejislativa 2023.

Notísia Relevante: Rezultadu kontajen finál iha STAE, CNRT hetan vitória iha Elpar 2023

Prezidente CNE, José Agostinho da Costa Belo hateten katak iha oras 72 nia laran, CNE sei verifika votasaun ne’ebé deklara tiha ona, apuramentu Nasionál hahú ohin no sei ramata iha loron 27 fulan-maiu tinan 2023.

“Ha’u hakarak informa ba públiku katak rezultadu provizóriu eleisaun lejislativa nian hotu ona. Tanba ne’e, rezultadu ofisiál ne’e sei publika husi CNE, “Belo hateten ba jornalista sira iha salaun CNE iha Dili.

Husi loron 27 to’o 30 fulan-maiu, CNE sei prepara minutu sira ba tabulasaun provizaun rezultadu Nasionál no tau iha nia fatin. Belo mós hateten katak prazu atu rekursu rezultadu Nasionál provizóriu ba Tribunal Rekursu sei hala’o iha loron 29 fulan-maiu to’o loron 01 fulan-Junu.

Nia hateten, kaixa votasaun hotu-hotu hosi Munisípiu sira halibur iha sala CNE atu hetan apuramentu.

“Kaixa votasaun ba Australia to’o ona, maibé kaixa votasaun ba Portuál, Reinu Unidu, Irlanda no Koreia sei to’o aban,” nia hateten.

Nune’e, nia apela ba sidadaun hotu-hotu atu simu rezultadu eleisaun parlamentár 2023.

“Rezultadu eleisaun sei publika no ha’u apela ba ema hotu atu simu tuir rezultadu provizóriu eleisaun parlamentár nian,” nia hateten.

Partidu polítiku ne’ebé lidera hosi Kay Rala Xanana Gusmão, Partidu Conselho Nacional Reconstrução Timorense (CNRT), manán ho votu 41.62% no Frente Revolucionário Timor-Leste Independente (FRETILIN) ne’ebé lidera hosi Mari Alkatiri okupa faryin adaruak ho votu 25.75% no Partidu Libertasaun Populár (PLP) ne’ebé lidera hosi atuál Primeiru-Ministru Taur Matan Ruak ho votu 5.88%.

Notísia Relevante: Responsabilidade STAE ramata, CNE kontinua halo verifikasaun ba votu reklamadu sira

Jornalista : Osória Marques

Editór       : Cancio Ximenes

Publisidade

Leave a Reply

Latest Post

error: Content is protected !!