DILI, 23 maiu 2023 (TATOLI)—Sektretariadu Tékniku Administrasaun Eleitorál (STAE), tersa (23 maiu) ne’e, fó sai rezultadu finál kona-ba kontajen votu eleisaun parlamentár 2023 hosi munisipiu sira inklui rai-li’ur ho rezultadu finál hatudu CNRT hetan vitória ho votu 288,101 (41,62 %).
Notísia Relevante:Rezultadu finál provizoriu: CNRT hetan kadeira 31, PLP kadeira haat
Tuir rezultadu kontajen, votu maiória daruak mak partidu FRETILIN ho votu 178.248 (25,75%) hetan kadeira 19; fatin datoluk okupa hosi Partidu Demokrátiku (PD) ho votu 64.493 (9,32%) hetan kadeira neen (6); fatin dahaat okupa hosi Partidu Kmanek Haburas Unidade Nasionál Timoroan (KHUNTO) ho votu 52.021 (7,52%) hetan kadeira lima (5); Dalimak okupa hosi Partidu Libertasaun Populár (PLP) ho votu 40.696 (5,88%) hetan kadeira haat (4).
Partidu os Verdes (PVT) 25,100 (3,63%); Partidu Unidade Dezenvolvimentu Demokrátiku (PUDD) ho votu 21.639 (3,13%); Partidu Asosiasaun Populár Monarkia Timorense (APMT) ho votu 6.678 (0,96%); Partidu Centro Ação Social Democrata Timor-Leste (CASDT) ho votu 3.169 (0,46%); Partidu Libertasaun Povu Aileba (PLPA) ho votu 3.272 (0,48%); Partidu Sosialista de Timor (PST) 2.415 (0,35%); Partidu Republikanu (PR) 1.558 (0,23%); Partidu Demokrata Cristão (PDC) ho votu 1.262 (0,18%).
Partidu Uniaun Demokrátiku Timorense (UDT) 1.256 (0,18%); Partidu Unidade Nasionál Demokrátiku Rezisténsia Timorrense (UNDERTIM) ho votu 1.022 (0,15%); Partidu Dezenvolvimentu Nasionál (PDN) ho votu 597 (0.09%) no Partidu Movimentu Libertasaun Maubere (MLPM) ho votu 642 (0,09%).
Hosi votu hirak ne’e hetan votu nulu hamutuk 10.222, votu reklamadu 515, votu rezeitadu 58, votu branku 2.693, votu abandonadu 24 no votante ne’ebé vota ona hamutuk 795.583 (80,3%) ne’e hosi totál eleitór iha territóriu nasionál hamutuk 890.145.
Tuir planu, iha loron ida-ne’e rezultadu final ne’e sei submete ba Komisaun Nasionál Eeleisaun (CNE) atu halo verifikasaun ba akta sira hosi kada munisípiu iha Territóriu Nasionál.
Jornalista : Osória Marques
Editór : Cancio Ximenes
