NASIONÁL, POLÍTIKA

PPN-PR Horta ko’alia kontinuidade funsionamentu órgaun Estadu

PPN-PR Horta ko’alia kontinuidade funsionamentu órgaun Estadu

Prezidente Repúblika, José Ramos Horta, enkontru ho Prezidente Parlamentu Nasionál, Aniceto Longuinhos Guterres Lopes iha Palásiu Prezidensiál Nicolau Lobato, Bairru Pité, sexta (26/05). Imajen Tatoli/Egas Cristovão.

DILI, 26 maiu 2023 (TATOLI)—Prezidente Repúblika (PR), José Ramos Horta, sesta ne’e, hala’o enkontru ho Prezidente Parlamentu Nasionál (PPN), Aniceto Longuinhos Guterres Lopes, iha Palásiu Prezidensiál, Bairru Pite, hodi ko’alia kontinuidade funsionamentu órgaun Estadu.

Notísia Relevante: Partidu lakon ka manán ne’e prosesu demokrátiku simu povu nia desizaun

“Asuntu seluk tanba eleisaun hotu ona mai ko’alia kona-ba kontinuidade funsionamentu Estadu ka órgaun Estadu nian, eleisaun hotu tuir kalendáriu se Tribunál válida ona rezultadu eleisaun, klaru prosesu tuir mai prosesu formasaun Governu dasia ninian. Agora, Parlamentu mós besik  ona ba lejislatura dalima nia rohan,” Prezidente Parlamentu Nasionál ne’e hateten ba jornalista sira hafoin ramata enkontru ho Prezidente Repúblika (PR), José Ramos Horta, iha Palásiu Prezidensiál Nicolau Lobato, Bairru Pite, sesta ne’e.

Nune’e, Nia dehan, ho órgaun Estadu tenke tuur hamutuk ko’alia ba kontinuidade ba funsionamentu órgaun Estadu sira no óinsa ajusta prosesu ida-ne’e to’o buat hotu funsionamentu normal fila-fali, tranzisaun ka transferénsia hosi Governu ida ba Governu seluk no hosi lejislatura ida ba lejislatura seluk.

Aniceto Guterres hateten, seidauk fó sai kona-ba PN iha lejislatura ne’e nia mandatu termina to’o bainhira, mezmu antes ne’e Primeiru Ministru rasik hato’o katak Governu preparadu halo tranzisaun ba Governu foun no sei halo reuniaun Konsellu Ministru ikus iha 07 juñu tinan ne’e.

“Iha interpretasaun barak, maibé interpretasaun ikus ne’e só Parlamentu mak hola desizaun ne’e plenária Parlamentu la’ós Prezidente Parlamentu,” nia hateten.

Prezidente Repúblika (PR), José Ramos Horta, hateten durante nia mandatu hanesan PR ne’ebé to’o tinan ida ona, durante ne’e nia parte serbisu hamutuk ho PPN no kuaze iha enkontru semenál sempre hala’o, no Parlamentu Nasionál iha lejislatura ne’e fó serbisu todan ba PR lei lubun ida-ne’ebé produtividade prodús lejislativa barak tebes.

“Iha tinan 20 indepedénsia lejislatura ida-ne’e mak nia produtividade lejislativa barak tebe-tebes no importante, lejislasaun ne’ebé estruturante ba Estadu. Purtantu, ha’u fó parabéns dala ida tan,” nia hateten.

Nia dehan, Prezidente Parlamentu Nasionál atuál uluk tempu luta libertasaun, nia parte hamutuk iha li’ur liuliu iha krize 1999 serbisu iha ONG direitu umanu, la ta’uk ko’alia iha mídia momentu ne’eba no to’o agora tinan 20 ona serbisu nafatin ho kompeténsia.

“Aleinde ne’e, bankada Fretilin sei buka kolabora para garante estabilidade governasaun di’ak relasionamentu di’ak iha Parlamentu laran. Ajenda ba ASEAN todan tebe-tebes no tempu mós apertadu loos, ne’eduni Prezidente mós hateten buat ne’ebé nia bele halo para aselera adosaun aprovasaun tratadu barak tebes ita tenke adota,” nia dehan,

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!