COVALIMA, SEGURANSA

PNTL koordena ho autoridade Covalima hala’o limpeza jerál iha Auto Estrada

PNTL koordena ho autoridade Covalima hala’o limpeza jerál iha Auto Estrada

Komandante PNTL Munisípiu Covalima, Basilio de Jesus. Imajen Tatoli/Celestina Teles.

COVALIMA, 01 juñu 2023 (TATOLI)—Komandante PNTL munisípiu Covalima, Superintendente Polísia Basílio de Jesus, hateten nia parte sei halo koordenasaun ho autoridade iha Covalima nune’e hodi kria programa atu halo limpeza jerál iha auto estrada.

Notísia Relvante: PNTL Covalima rekoñese grupu deskoñesidu halo pasa revista iha auto estrada

“Ha’u sei koordena ho administradór minisípiu Covalima no postu administrativu Zumalai atu halo limpeza jerál hodi tesi hotu aihoris iha auto estrada ninin, nune’e grupu sira labele aproveita fatin ne’e sai fatin atu organiza malu,” Superintendente Polísia Basílio de Jesus hateten ba jornalista sira, iha auto estrada Zumalai, kinta ne’e.

Razaun tesi aihoris sira-ne’ebé moris iha auto estrada nia ninin sira-ne’e atu labele sai fatin ba grupu sira hodi organiza malu, nune’e fó garante ba seguransa hamutuk katak Suai laiha problema.

Programa bainhira mak atu halo limpeza, komadante sei halo koordenasaun ho autoridade Covalima, nia labale uza polísia tanba númeru polísia lato’o atu halo limpeja jerál iha auto estrada.

“Ha’u ko’alia ho administradór postu administrativu Zumalai no administradór Covalima oinsá atu mobiliza komunidade no funsionáriu iha Ccovalima distánsia kilometru ida. Ita tesi aihoris hirak ne’e, nune’e labele salva guarda ba sira susar iha ne’e atu atake ema,” nia hateten.

Bazeia ba informasaun hosi vítima sira, nune’e komandu PNTL Covalima akompañadu hosi PNTL eskuadra Zumalai sei halo patrollamentu rutina tuku 14h00 lorokoraik hodi garante seguransa ba sidadaun sira-ne’ebé hala’o movimentu ho transporte públiku liuhosi auto estrada,  postu administrativu Zumalai, munisípiu Covalima.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!