DILI, 13 juñu 2023 (TATOLI)—Sekretária Estadu Igualdade ba Inkluzaun (SEII), ezekuta ona Orsamentu Jerál Estadu (OJE) 2023 atinje ona 33%.
“To’o iha loron 23 fulan-maiu ne’e, SEII ezekuta OJE 2023 ne’e atinje ona 33% ho ekivalente ba osan $702,639.25, hosi totál OJE ne’ebé aloka ba SEII tinan 2023 ho totál $2,153,264.00,” Maria do Rosário de Fátima Correira hateten ba Agência Tatoli, iha salaun SEII, tersa ne’e.
Nia hatutan, kona-ba balansu ka restu hosi osan ne’e hamutuk $1,449,624.86. Despesas com pessoal (E01), $417,208.95, Acquisação de Ben’s Correntes (E02): $46,815.25, Acquisação de Serviços Correntes (E03): $162,664.94 no Acquisação de Ben’s de Capital (E13): $75,950.
Ezekusaun hosi orsamentu ne’e mak ba programa sira hanesan abordajen integradu jéneru, programa prevensaun violénsia bazea ba jéneru, programa feto iha polítika no programa empoderamentu ekónomia.
Jornalista : Osória Marques
Editór : Cancio Ximenes
