Kompaña Riri konstrui edifísiu STAE Covalima finaliza ona

COVALIMA, 23 juñu 2023 (TATOLI)–Kompaña Riri Unipesoál, Lda, konstrui edifísiu Sekretáriu Tékniku Administrasaun Eleitorál (STAE) Covalima finaliza ona no hein atu halo inaugurasaun hodi entrega ba Governu.

Notísia Relevante: Progresu konstrusaun edifísiu STAE Covalima atinje ona 15% 

“Bazeia informasaun bainhira mak atu hala’o inaugusaun maibé ha’u seidauk bele fó sai loron fiksu atu hala’o inaugurasaun. Iha nasonál, sei halo koordenasaun ho diretór sira, tanba ita haree progresu konstrusaun edifísiu finaliza ona hein atu entrega ba Governu liuhosi STAE,” Diretór STAE Covalima, Francisco Gusmão, hateten ba Agência Tatoli iha nia kna’ar fatin, Kampung Baru, sesta ne’e.

Konstrusaun edifísiu STAE Covalima konstrui hosi kompaña Riri Unipesoál, Lda, ho nia durasaun tempu fulan neen (6) no husi kompaña Riri Unipesoál Lda hahú konstrui iha loron 24 fulan-novembru 2021.

Entertantu, iha loron 06 fulan-dezembru tinan 2021, Minisru Administrasaun Estatál (MAE), Miguel Perreira Carvalho, hatuur fatuk dahuluk atu halo konstrusaun edifísiu CNE no STAE iha Covalima.

Jornalista : Celestina Teles

Editór      : Cancio Ximenes