iklan

DESPORTU, HEADLINE, MUNISÍPIU, OÉ-CUSSE (RAEOA)

Asosiasaun 13 iha Oé-Cusse realiza asembleia estabelese estrutura CDTL

Asosiasaun 13 iha Oé-Cusse realiza asembleia estabelese estrutura CDTL

Asosiasaun 13 iha Oé-Cusse realiza asembleia estabelese estrutura CDTL ba períodu tinan-haat. Imajen Tatoli/Abílio Elo Nini.

OÉ-CUSSE, 27 juñu 2023 (TATOLI) –  Asosiasaun desportiva 13 ho konfresista 26 iha Rejiaun Administrativa Espesiál Oé-Cusse Ambeno (RAEOA), tersa ne’e realiza asembleia jerál hosi estabelese estrutura Konferederasaun Desportiva Timor-Leste (CDTL, sigla portugés) iha Oé-Cusse ba períodu 2023 to’o 2027.

Notisia relevante: CDTL husu Governu atu investe dezenvolviementu desportu iha Timor-Leste

Prezidente CDTL Mário Floriano Sanches,  orgullu tanba estabelese estrutura CDTL iha Oé-Cusse, hodi dezenvolve modalidade sira iha organizasaun desportiva ba asosiasaun  13 ne’ebé eziste ona iha Oé-Cusse Ambeno.

“Ohin ita hotu orgullu tanba hahú ohin, ita sira-ne’ebé hamahan-aan ba asosiasaun 13, eziste iha Oé-Cusse, komesa hanoin saida mak sei akontese iha mandatu to’o 27 juñu 2027, tanba mandatu ba CDTL ne’e atu funsiona dezenvolvimentu organizasaun desportu iha RAEOA, tanba ne’e maka ha’u reprezenta Konferederasaun Desportiva Timor-Leste bazea ba estatutu mai estabelese RAEOA nia estrutura,” Mário Floriano Sanches, ko’alia iha ámbitu abertura asembleia jerál, realiza iha salaun Domikana, Oé-Cusse.

Tanba tuir CDTL nia haree ba futuru, katak Oé-Cusse iha poténsia atubele dezenvolve modalidade tanba bele kompete ho nasaun viziñu iha fronteira, tán ne’e maka hili estrutura CDTL iha Oé-Cusse.

“Ita sei hili prezidente ida ho nia vise-prezidente ida, no ita sei hili nia fizkalizadór ida no jurídiku ida, no ohin sei ema na’in-ida atu jere asembleia ne’e, no la’ós CDTL mak hili, maibé delegadu sira mak hili sé mak iha kompeténsia iha koñesimentu kle’an ba área desportu, inisiativa di’ak no pasiénsia atubele lidera CDTL Oé-Cusse ba mandatu tinan haat,” nia fó hanoin.

Adjuntu Prezidente Autoridade RAEOA ba Asuntu Sosiál, Maximiano Neno, konsidera konferénsia munisipál ne’e, importante atu estabelese estrutura atubele fasilita komunikasaun ho autoridade RAEOA ba dezenvolvimentu desportiva iha Oé-Cusse Ambeno.

“Autoridade sei fó apoia tebes inisiativa atu estabelese estrutura CDTL iha Oé-Cusse, tanba durante ne’e ami haree dezenvolvimentu desportiva seidauk la’o ho di’ak, maske la’o ona maibé seidauk sistematiza liña koordenasaun ne’e di’ak,” nia katak.

Maske asosiasaun 13 eziste ona maibé liña koordenasaun kuaze laiha, tanba estrutura atu hamahan-aan asosiasaun seidauk eziste loos, nune’e bele fasilita komunikasaun ho CDTL nasionál.

Autoridade ne’e fó hanoin ba konfrensista sira, atu eskolla kandidatu ba Prezidente CDTL labele asumi hosi funsionariu públiku ba futuru labele prezudika ezisténsia estrutura iha ezekusaun programa.

Entretantu, partisipa iha asembleia ne’e mai hosi asosiasaun desportiva 13 ho partisipa na’in-26 kada asosisaun reprezenta ema na’in-rua.

Maka hanesan Asosiasaun Futeból Oé-Cusse (AFO), Asosisasaun Voleiból Oé-Cusse Ambeno (AVOA), Asosiasaun Xadres Atoni Oé-Cusse (AXAO), Asosiasaun atletizmu, Asosiasaun Badminton Rejiaun Oé-Cusse (ABRO).

Nune’e Asosiasaun Karate-do, Asosiasaun Taekwondo, Asosiasaun Siklizmu, Asosiasaun Table-Tenis, Asosiasaun Basketból, Asosiasaun Kurrida-kuda, Asosiasaun Motor-Kroos (LTA) no Asosiasaun Boxing.

Notisia relevante: CDTL monitoriza ona ba federasaun desportiva 13

Jornalista   : Abílio Elo Nini

Editór          : Evaristo Soares Martins

iklan
iklan

Leave a Reply

iklan
error: Content is protected !!