iklan

EKONOMIA, HEADLINE

MTKI sempre realiza kompetisaun gastronomia hodi motiva kuziñeiru timor-oan

MTKI sempre realiza kompetisaun gastronomia hodi motiva kuziñeiru timor-oan

Kuziñeira hosi Retaurante Blue OCEAN prepara hela produtu ai-han lokál sira hodi tuir kompetisaun ne'ebé realiza hosi MTKI iha Portu Dili, kinta (28/12/2022). Imajen Tatoli/Francisco Sony

DILI, 28 juñu 2023 (TATOLI)—Ministériu Turizmu Komérsiu no Indústria (MTKI) prefere realiza kompetisaun gastronomia regularmente hodi motiva kuziñeiru timor-oan no promovo hahán tradisionál ho produtu lokál.

“Ita sempre hala’o atividade kompetisaun gastronomia iha nível nasionál to’o munisípiu bainhira iha eventu boot ruma ho objetivu atu motiva nafatin ita-nia chef (kuziñeiru) timor-oan sira atu nafatin dezenvolve produtu lokál sira ne’ebé sai identidade hahán tradisionál,” Diretór Jerál Turizmu MTKI, Jelino Soares, informa ba Agência Tatoli, iha ninia knaar fatin, Farol, kuarta ne’e.

Notísia relevante Governu aloka $40.000 hodi promove feira de fim semana iha Cristo Rei

Tuir Diretór, hosi kompetisaun gastronomia mak bele hamosu ideia ho produtu lokál ne’ebé ho kualidade no sabor di’ak hodi bele atrai vizitante eventu koñese liután ai-han lokál no kuziñeiru sira bele hetan prémiu.

Aleinde ne’e, iha espozisaun boot sira hanesan foin lalais iha Expo Dubai, Governu lori hotu kuziñeiru timor-oan sira partisipa hodi aprezenta Timor-Leste nia hahál lokál hanesan saboko, akar no seluk tan.

“Objetivu ita lori ai-han lokál ba aprezenta hodi halo promosaun ita-nia produtu ba turista sira no iha tempu hanesan bele apreende ideia ruma, nune’e bele mai hamosu ideia foun tein hahán nian,” nia akresenta.

Biban ne’e, Diretór ne’e rekomenda ba kuziñeiru timor-oan sira atu nafatin konserva hahán tradidionál ho materiál produtu lokál, liu-liu iha restaurante no otél sira atu kontinua promove hahán tradisionál, nune’e turista hosi rai-li’ur bele hatene hahán lokál Timor ninian.

Jornalista     : Arminda Fonseca

Editora         : Julia Chatarina

 

iklan
iklan

Leave a Reply

iklan
error: Content is protected !!