iklan

NASIONÁL, HEADLINE, POLÍTIKA

PR Horta rekoñese kapasidade Maria Fernanda Lay lidera Parlamentu

PR Horta rekoñese kapasidade Maria Fernanda Lay lidera Parlamentu

Prezidente Parlamentu Nasionál, Maria Fernanda Lay. Imajen Tatoli/Egas Cristóvão.

DILI, 28 juñu 2023 (TATOLI)–Prezidente Repúblika (PR), José Ramos Horta, rekoñese kapasidade Maria Fernanda Lay asume knaar nu’udar  Prezidente Parlamentu Nasionál (PPN).

“Ne’e di’ak tebes ba Timor-Leste, hili nia la’ós tanba nia feto maibé tanba kompetente, ne’e duni ha’u kontente loos. Iha futuru feto bele sai Prezidente Repúblika,” PR Horta hateten hafoin fila hosi vizita ofisiál iha Alemaña, iha Aeroportu internasionál Prezidente Nicolau Lobato, Comoro, kuarta ne’e.

Xefe Estadu apresia ho desizaun ne’e tanba maski la hetan votu konsensu ih Parlamentu maibé laiha votu kontra.

“Ha’u hato’o parabéns ba opozisaun ne’ebé la halo opozisaun ba Prezidente ho nia ekipa,” nia tenik.

Notísia relevante : Maria Fernanda Lay feto dahuluk lidera lejislatura daneen

Nune’e, Horta espera katak Prezidente Partidu Congresso Nacional para a Reconstrução de Timor-Leste (CNRT), Kayrala Xanana Gusmão, bele hili feto envolve iha estrutura IX Governu.

“Ha’u espera mós katak Xanana Gusmão hili membru Governu labele haluha feto. Feto iha kualidade barak tantu tenke iha ekilíbriu jéneru, ekilíbriu nasionál. Maun Xanana nia defensór númeru um ekilíbriu ba jéneru, ne’ebé ha’u fiar katak nia la haluha feto sira,” nia tenik.

Deputada Maria Fernanda Lay eleitu nu’udar feto dahuluk sai nu’udar Prezidente Parlamentu Nasionál iha Lejizlatura daneen, iha loron 22 juñu 2023.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!