Obra Públika Bobonaro sei halo levantamentu ba kondisaun estrada Lour
MALIANA, 06 jullu 2023 (TATOLI)-Servisu Munisipál Obra Públika (SMOP) Munisípiu Bobonaro, sei ba observa no halo levantamentu dadus ba kondisaun estrada iha suku Lour, postu administrativu Bobonaro ne’ebé hetan estragu hosi dezastre naturál iha loron rua liubá.
“Ami seidauk hetan informasaun, aban ami sei orienta ami-nia enjeñeiru sira ba halo levantamentu dadus iha-ne’ebá, atubele halo relatóriu ne’e ba nasionál,” Diretór SMOP Bobonaro,António Mahana Soares, ko’alia iha Maliana, kinta ne’e.
Enkuantu estrada refere hetan estragu kauza hosi rai-halai hafoin akontese udan boot, hahú hosi loron-segunda (03/07) to’o tersa (04/07) semana ne’e.
Xefe suku Lour, Miguel Lopes Gomes,dadaun ne’e movimentu hosi suku Lour ba suku Sibuni no Molop inklui ba postu administrativu Bobonaro no ba postu administrativu Zumalai, Munisípiu Covalima Paradu hela.
Suku Lour iha aldeia haat mak hanesan Tazgolo, Helikei, Olo-Olo no aldeia Galitas, ho totál populasaun 1,440, komposta hosi feto 725 no mane 725 mai hosi uma-kain 200 ho xefe família 315.
Notísia relevante: Governu apoia ona vítima dezastre naturál iha Lour no hetan apoia rekuperasaun tuir mai
Jornalista: Sérgio da Cruz
Editór: Evaristo Soares Martins
