Governu apoia ona vítima dezastre naturál iha Lour no hetan apoia rekuperasaun tuir mai
MALIANA, 06 jullu 2023 (TATOLI)-Vítima afetadu dezastre naturál iha aldeia Olo-Olo no Tasgolo, suku Lour, postu administrativu Bobonaro, hetan ona apoia emerjénsia hosi Servisu Munisipál Protesaun Sivíl Risku Dezastre Munísipiu Bobonaro.
Diretór Servisu Munisipál Protesaun Sivíl Risku Dezastre Munisípiu Bobonaro, António Soares, informa, dadus ne’ebé ekipa sira rekolla vítima afetadu hamutuk uma-kain 22.
Apoia ne’ebé oferese Servisu Munisipál Protesaun Sivíl Risku Dezastre no Autoridade Protesaun Sivíl (APC) Munisipiu Bobonaro no Cruz Vermelha Timor-Leste (CVTL) filiál Maliana
Notísia relevante: Dezastre naturál estraga uma 21 no estrada iha Lour
“Apoia emerjénsiaa ne’e ita fó atu hakmaan ita-nia komunidade sira iha loron balu, uma-kain 22 ne’e atu grave, ne’ebé sira iha direitu atu hetan apoia rekuperasaun tuir mai,” nia informa ba jornalista sira iha Maliana, kinta ne’e.
Daudaun ne’e ekipa kontinua rekolla dadus iha aldeia Aisal-Gusun, suku Ai-Asa, postu administrativu Bobonaro.
“Ha’u hakarak mensajen ba autoridade lokál sira, katak iha dezastre ruma akontese ba povu, sira mak sai governu nia ain-liman iha baze, favór boot ida fó dadus mai lalais atubele fó apoia” António fó hanoin ba líder lokál sira.
Enkuantu dezastre naturál ne’e akontese hafoin udan boot iha segunda (03/07) to’o kuarta (04/07).
Notísia relevante: Xefe suku Miguel ezije EDTL aselera projetu eletrifikasaun iha Lour
Jornalista: Sérgio da Cruz
Editór: Evaristo Soares Martins
