Top

INDDICA laiha fatin própriu atende keixa hosi komunidade

Prezidente Instituto para a Defesa dos Direitos da Criança (INDDICA), Dinorah Granadeiro. Imajen Tatoli/Egas Cristóvão.

DILI, 14 jullu 2023 (TATOLI)–Prezidente Institutu Nasionál Defeza Direitu ba Labarik (INDDICA-sigla portugés), Dinorah Granadeiro, hateten durante ne’e INDDICA laiha fatin própriu ne’ebé hodi atende keixa hosi komunidade.

Notísia Relevante: MSSI presiza kria mekanizmu implementa Lei Protesaun Labarik-Joven iha perigu

“Ami preokupa mak ami laiha fatin ka uma ne’ebé seguru hodi atende keixa hosi komunidade, tanba dala barak keixa sira-ne’e ema-nia problema privada entaun oinsá ita tenta nune’e funsionáriu sira iha laran labele hatene ema-nia problema no situasaun. Ida-ne’e sai preokupasaun boot mai ami, tanba ami laiha fatin ne’ebé seguru ba atendimentu sira. Tanba, presiza duni atu iha fatin própriu ba atendimentu keixa sira, presiza rai ema-nia keixa privada sira,” Dinorah Granadeiro hateten ba Agência Tatoli iha nia kna’ar fatin, sesta ne’e.

Nia dehan, preokupasaun ida-ne’e INDDICA hato’o ona ba Ministru Solidariedade Sosiál no Inkluzaun (MSSI) Verónica das Dores ho nia vise Cêo Brites.

“Ida-ne’e, ohin, ami aprezenta ona ba Ministra ho nia Vise, espera katak bele responde ami-nia situasaun sira-ne’e. Ami lakohi ema hotu hatene ema seluk problema. Entaun, durante ne’e ha’u uza ha’u-nia fatin hodi atende ema. Entaun, ohin, vizita Ministra ho nia vise bele haree kondisaun real ne’ebé ami iha mak rekursu umanu menus, inklui ami-nia edifísu ne’ebé kiik no labele fasilita servisu INDDICA nian,” nia dehan.

Daudaun ne’e iha Coby House maibé nia kondisaun mak aat, tanba nia ezisténsia liu ona tinan 10, no ida-ne’e bele fó risku makaas bainhira halo atendimentu ba kazu abandona labarik hosi inan-aman ka família.

“Durante ne’e ami atende kazu ne’ebé dala barak abandona labarik hosi inan-aman ka família no kazu violénsia deméstika no mós hadau malu labarik ka direitu atu hetan labarik no kazu violénsia hasoru feto. Hosi ne’e, ami-nia situasaun mak ami simu no haree ba tipu keixa. Se kazu ne’e violénsia mak ami lori ba rejistu iha polísia, ba uma mahon no ba ALFela hodi hetan asisténsia legál. Dala barak ami foti kazu hosi mídia sosiál, ezemplu maluk na’in-rua ne’ebé ameasa labarik iha Ermera nian. Ne’ebé, ami hamutuk PCIC hodi buka tuir autór sira no ami vizita vítima hodi enkoraja, nune’e labele tauk hodi kontinua sira-nia atividade loro-loron nian. Ne’ebé, iha tinan 2023, ami foin atende kazu la to’o 10, tanba kazu barak ba liu VPU,” nia dehan.

Jornalista : Osória Marques

Editór      : Cancio Ximenes

 

Publisidade

Leave a Reply

Latest Post

error: Content is protected !!