DILI, 17 jullu 2023 (TATOLI)–Primeiru-Ministru, Kay Rala Xanana Gusmão, segunda ne’e, simu vizita no hala’o reuniaun ho Embaixadora Portugal iha Timor-Leste, Manuela Bairos hodi atualiza vizita ofisiál Primeiru-Ministru Portugal, António Costa mai Timor-Leste.
Vizita ofisiál Xefe Governu portugés iha loron 25 to’o 26 jullo 2023 hodi hametin amizade no kooperasaun bilaterál entre país rua.
“Ha’u mai hasoru Primeiru-Ministru Xanana hodi felisita ba kargu foun nu’udar Xefe Governu no informa mós kona-ba vizita ofisiál Primeiru-Ministru Portugal, António Costa iha semana oin,” Embaixadora informa hafoin hasoru malu ho Xanana Gusmão, iha Palásiu Governu.
Notísia relevante : TL-Portugal diskute dezenvolvimentu komunikasaun
Timor-Leste no Portugal sai nu’udar nasaun maun-alin sei kontinua kooperasaun servisu iha área edukasaun, formasaun lian portugés, setór administrasaun, seguransa sosiál, apoia setór justisa no área prioridade seluk, inklui kooperasaun defeza no seguransa nian.
Jornalista : Antónia Gusmão
Editora : Julia Chatarina
