iklan

EKONOMIA, HEADLINE

IGJ rekolla reseita millaun $2 resin hahú janeiru-juñu

IGJ rekolla reseita millaun $2 resin hahú janeiru-juñu

Inspetór Jerál Jogu, Domingos da Costa Guterres. Imajen/Tatoli

DILI, 18 jullu 2023 (TATOLI)—Ministériu Turizmu no Ambiente (MTA) liuhosi Diresaun Inspesaun Jerál Jogu (IGJ, sigla portugés) rekolla ona reseita $2.271.688,93 hosi atividade jogu ilísitu no tradisionál sira durante fulan-neen nia laran, hahú hosi janeiru to’o juñu tinan ne’e.

“Reseita millaun $2 resin ne’ebé IGJ rekolla mai hosi atividade jogu sira hanesan lotaria, slot mákina, toto bola inklui bola guling,” Inspetór Jerál Jogu, Domingos da Costa Guterres, informa ba Agência Tatoli, iha ninia knaar fatin, Bebora, tersa ne’e.

Notísia relevante : IGJ halo estimasaun sei hatama reseita millaun $5

Nune’e, Inspetór Jerál otimista sei bele rekolla tan reseita tanba tuir estimasaun ba tinan ne’e bele halibur millaun $5 ba kofre Estadu.

“Durante ha’u-nia mandatu, hahú hosi tinan 2020 hatama reseita hamutuk $1.274.051,47, tinan 2021 nian rekolla $1.691.615,47, tinan 2022 no tinan ne’e foin fulan-neen maibé hetan ona millaun $2 resin,” nia akresenta.

Jornalista     : Arminda Fonseca

Editora          : Julia Chatarina

iklan
iklan

Leave a Reply

iklan
error: Content is protected !!