iklan

NASIONÁL, HEADLINE, POLÍTIKA

Xanana deklara sei reestrutura Timor GAP, E.P no ANPM

Xanana deklara sei reestrutura Timor GAP, E.P no ANPM

Primeiru-Ministru, Kay Rala Xanana Gusmão, Debate Programa IX Governu Konstituisional iha Parlamanetu Nasional. iha Sala Plenáriu PN, tersa (18/07). Imajen Tatoli/Egas Cristovão

DILI, 18 jullu 2023 (TATOLI)—Primeiru-Ministru (PM), Kay Rala Xanana Gusmão, deklara katak IX Governu sei halo reestruturasaun ba Timor Gás no Petróleu, Empreza Públika (Timor GAP, E.P), no Autoridade Nasionál Petróleu no Minerál (ANPM).

“Atu garante efisiénsia boot liu iha setór ida-ne’e, ami sei halo reestruturasaun imediata iha Diresaun Timor GAP no ANPM,” PM hateten durante aprezentasaun programa IX Governu Konstitusionál, iha planária Parlamentu Nasionál, tersa ne’e.

Notísia relevante : Estatutu Timor Gap hetan alterasaun iha Konsellu Ministru

Xefe Governu dehan, implementasaun ba Tratadu Fronteira Marítima entre Timor-Leste ho Austrália iha Tasi Timor sai prioridade ba IX Governu Konstitusionál, hanesan mós atu lori kadoras explorasaun Greater Sunrise nian, mai Kosta Súl.

“Kestaun ne’e nu’udar parte integrante ba konstrusaun Estadu no nasaun tanba ita hakarak harii Estadu ida ho direitu plentu. Ami sei fó prioridade másima atu finaliza delimitasaun fronteira terrestre no marítima ho Indonézia,” nia kompromete.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!