DILI, 20 jullu 2023 (TATOLI)–Institutu Nasionál Estatístika Timor-Leste, Institutu Públiku (INETL, I.P) lansa relatóriu Índise Presu Konsumidór (IPK) fulan-juñu 2023, ne’ebé hatudu mudansa persentajen ba grupu hotu mensál kontinua sa’e ba +0,6% kompara ho fulan-maiu 2023 sa’e mós +0,3%.
Dadus hosi INTL ne’e hatudu katak mudansa presu grupu hotu +0,6% tanba hetan kontribuisaun hosi grupu hahán no bebida la’ós alkoólika +1,0%, álkool no tabaku +0,5%, transporte +0,3%, hatais no sapatu +0,3%, no ekipamentu no manutensaun mobilariu uma-laran +0,1%.
“Enkuantu, grupu uma -0,3% sai hanesan mudansa kontráriu ba inflasaun grupu hotu. Grupu hahán no bebida la’ós alkoólika sa’e +1,0% tanba hetan impaktu maioria hosi sub grupu foos +2,1%, modo-tahan +2,7%, produtu ai-han +0,8%, susu-been, keiju no manu-tolun (+0,6%), no masin-midar, marmelada, bani-been, xokolate no hahán midar +0,2%,” Prezidente INETL, I.P, Élias dos Santos Ferreira, informa liuhosi nota ne’ebé Agência Tatoli asesu, kinta ne’e.
Notísia relevante : INETL rejista inflasaun grupu hotu sa’e iha maiu
Nia dehan, mina no bokur -0,7%, na’an -0,5%, paun no sereál -0.6%) no ai-fuan -1,0% sai hanesan mudansa kontráriu ba inflasaun grupu hahán no bebida la’ós alkoólika.
Mudansa persentajen IPK anuál sa’e +7,0% kompara entre juñu 2023 ho juñu 2022, hetan kontribuisaun hosi grupu hahán no bebida la’ós alkoólika +8,0%, alkohól no tabaku +32,7%, edukasaun +7,0%, hatais no sapatu +1,8% no komunikasaun +0,8% ba anuál juñu 2023.
“Grupu transporte -3,4%, ekipamentu no manutensaun mobiliáriu uma-laran -2,4%, no rekreasaun no kultura -1,1% sai hanesan mudansa kontráriu ba inflasaun grupu hotu ba anuál juñu 2023.
Inflasaun tradeable sa’e +0,9% no non tradeable tun -0,2% iha mensál, kompara entre juñu 2023 ho maiu 2023. Nune’e, inflasaun tradeable sa’e +8,8% no non tradeable mós sa’e +2,6%) iha anuál, kompara entre juñu 2023 – juñu 2022.
Jornalista : Antónia Gusmão
Editora : Julia Chatarina
