iklan

NASIONÁL, INTERNASIONÁL, POLÍTIKA

PR Horta-PM Portugál diskute oportunidade merkadu ASEAN

PR Horta-PM Portugál diskute oportunidade merkadu ASEAN

Prezidente Repúblika, José Ramos Horta, enkontru ho Primeiru-Ministru Portugal Antonio Costa, iha Palásiu Prezidensiál Nicolau Lobato, Bairru Pité, tersa (25/07). Imajen Tatoli/Francisco Sony.

DILI, 25 jullu 2023 (TATOLI)—Prezidente Repúblika (PR), José Ramos Horta, tersa ne’e, hala’o enkontru ho Primeiru-Ministru (PM) Portugál, Antonio Costa, hodi diskute futuru kooperasaun entre rai rua liuliu oportunidade merkadu ba ASEAN.

Notísia Relevante: PM Portugál sei vizita fatin istóriku Semitériu Santa Cruz

Prezidente Repúblika, José Ramos Horta, enkontru ho Primeiru-Ministru Portugal Antonio Costa, iha Palásiu Prezidensiál Nicolau Lobato, Bairru Pité, tersa (25/07). Imajen Tatoli/Francisco Sony.

“Ko’alia jerál dezenvolvimentu Timor oinsá Portugál bele partisipa iha prosesu dezenvolvimentu designada perspetiva iha tinan oin konkretiza adezaun Timor ba ASEAN. Signifika, oportunidade ba empreza portugeza bele aproveita sabedoria no koñesimentu Timor ba merkadu ida-ne’e,” Primeiru-Ministru (PM) Portugál, Antonio Costa, hateten hafoin ramata enkontru ofisiál ho Prezidente Repúblika iha Palásiu Prezidensiál Nicolau Lobato, Bairru Pite.

Xefe Governu Portugál ne’e hatutan, ho ida-ne’e hodi alarga koñesimentu ba kapasidade aumenta esportasaun hosi Portugál mai iha ne’e ba iha rejiaun hamutuk ho Timor-Leste seguru ho di’ak.

Primeiru-Ministru Portugál ne’e agradese ba enkontru ho Prezidente Repúblika, José Ramos Horta, nu’udar amigu di’ak.

“Ohin, simu hosi Prezidente Ramos Horta nu’udar figura ida Laureadu Prémiu Nobel ba Paz no hanesan amigu di’ak no agradese ba sesaun ohin ho forma vizaun ne’ebé klaru perspetiva Timor hamutuk iha rejiaun,” nia hateten.

Entretantu, tuir ajenda Primeriu-Ministru Portugál hala’o vizita mai Timor-Leste to’o iha tersa ne’e hala’o ona enkontru ho Primeiru-Ministru Timor-Leste, Kay Rala Xanana Gusmão no  tuir ajenda iha kuarta (26 jullu) aban, sei hala’o mós enkontru ho Prezidente Parlamentu Nasionál, Maria Fernanda Lay, no iha ajenda importante seluk tan.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!