Autoridade Covalima husu CLN halo intervensaun ba presu foos sa’e
COVALIMA, 04 agostu 2023 (TATOLI)–Administradór munisípiu Covalima, Francisco de Andrade, husu ba Governu liuliu Sentru Lojístika Nasionál (CLN, sigla portugés) atu halo intervensaun direta ba presu foos sa’e iha merkadu Debos, munisípiu Covalima.
“Ha’u kontaktu ona CLN nune’e sira bele mai halo intervensaun direta ba presu foos sa’e la’ós iha merkadu Debos de’it maibe iha postu Suai, munisípiu Covalima maibé to’o iha postu administrativu sira hotu,” Francisco de Andrade hateten ba jornalista sira, iha nia kan’ar fatin, Sukaer Laran, sesta ne’e.
Hafoin autoridade kontakru Sentru Lojístika Nasionál (CLN) sira mós resposta katak atu mai hodi interven presu foos sa’e iha munisípiu Covalima.
Presu foos sa’e la’ós iha munisípiu Covalima de’it maibé iha territóriu Timo laran tomak, tanba hanesan iha munisípiu Covalima ne’e presu foos kilograma 25 ne’ebé antes ne’e ho presu $13.00 ne’e agora sa’e ona ba $16.00.
Entretantu, iha loron 28 fulan-jullu tinan 2023 ne’e, Governu liuhosi Ministériu Turizmu Komérsiu no Indústria (MTCI, sigla portugés) Covalima halo levantamentu dadus ba presu foos sa’e iha merkadu Debos, postu Suai, munisípiu Covalima.
Nia esplika, presu foos kilograma 25 hosi $12.00 sa’e ona ba $17.00, tanba impkatu hosi impostu importa sa’e nune’e halo mudansa ba presu foos iha merkadu Debos.
Notísia Relevante: Governu halo levantamentu dadus ba presu foos sa’e iha Covalima
Jornalista : Celestina Teles
Editór : Cancio Ximenes
