VIQUEQUE, 10 agostu 2023 (TATOLI)—Diretór Servisu Rejistu Notariadu munisípiu Viqueque, Aniceto Moreira, informa, daudaun ne’e laiha blanku ba Bilhete de Identidade (BI).
“Stock blanku BI foin lalais ne’e ami foti 500, maibé hotu iha tersa foin lalais ne’e, nune’e ami print BI ho surat-tahan mutin maka distribui ba abitante sira ne’ebé presiza urjente. Maski ho surat-tahan mutin, maibé ami rasik asina iha kotuk hafoin distribui,” Aniceto Moreira, hateten ba Agência Tatoli, iha ninia knaar fatin, Beloi, kinta ne’e.
Notísia relevante : Reprezentante povu iha PN husu Governu solusiona blanku BI
Servisu Notariadu Viqueque haruka ona karta ba nasionál hodi distribui blanku BI.
“Abitante sira ne’ebé hetan BI ho surat-tahan mutin bele uza tanba dokumentu sira ne’ebé sai hosi ami ne’e legál. Ohin ami-nia funisonáriu ba foti iha Dili, ne’ebé dala ruma segunda stock blanku bele iha fali,” nia akresenta.
Blanku BI hamutuk 500 antes ne’e uza barak liu ba abitante terseira idade no estudante.
Servisu Notariadu konsege prodús BI ba abitante hamutuk 1.217 iha fulan janeiru to’o jullu.
Jornalista : Vitorino Lopes da Costa
Editora : Julia Chatarina
