iklan

DILI

UN Woman apoiu SEI hakbiit ekonomia feto iha loron 120

UN Woman apoiu SEI hakbiit ekonomia feto iha loron 120

Representante UN Women, Amy Nishtha Satyam.

DILI, 10 agostu 2023 (TATOLI)—Reprezentante UN Women iha Timor-Leste, Nishtha Satyam, hateten UN Woman sei apoiu Sekretária Estadu Igualdade (SEI) hodi hakbiit ekonomia feto iha Timor-Leste, liuliu programa prioridade no kompromisu polítika ba iha loron 120 ne’e.

Notísia Relevante: CITL-SEII asina MoU reforsa programa apoiu feto-labarik feto rurál

“Enkontru ida ohin ne’e, UN Woman kontente tebes tanba atu hamutuk ho SEI haree prioridade ba asuntu igualdade jéneru nian liuliu iha loron 120, no haree liu ba programa ne’ebé mak oinsá atu aliña ho programa hakbiit ekonomia feto no partisipasaun feto foti desizaun nian no envolve iha vida polítika,” Reprezentante UN Woman ne’e hateten ba jornalista sira hafoin halo sorumutu ho parseiru interinasionál iha Suai Room, Timor Plaza, kinta ne’e.

Nia hatutan, ida-ne’e mós la’ós SEI ho UN Woman de’it maibé bolu atensaun hosi parseiru sira hotu atu servisu hamutuk atu fó apoiu ba programa prioridade IX Governu Konstitusionál nian liuliu ba programa SEI nian.

Sekretária Estadu Igualdade (SEI), Elvina Sousa Carvalho, hateten SEI ho parseiru interinasional liuliu UN Woman halo enkontru hodi ko’alia kona-ba programa SEI hodi oinsá bele atinje sosiedade ida igualdade no inkluzivu.

“Tanba ne’e, misaun saida de’it mak ita iha, ita sei labele atinje mesak maibé sosiedade sívil inklui parseiru interinasional no nasionál sira mak hodi bele atinje sosiedade ida-ne’ebé igual no inkluzivu,” nia dehan.

Tanba ne’e, SEI kontinua esforsu ba asuntu kona-ba hakbiit ekonomia feto no partisipasaun feto hodi foti desizaun iha vida polítika, ho objetivu atu atinje sosiedade ida-ne’ebé igual.

Husu kona-ba alokasaun Orsamentu Retifikativu ba implementasaun programa prioridade IX Governu, nia hatán, SEI kontinua uza osan millaun $2-resin hodi bele atinje ezekusaun ne’ebé ho kualidade.

“Ha’u fiar katak ami-nia ezekusaun ne’e to’o ona 50%. Ida-ne’e ha’u garante katak ezekusaun ne’ebé di’ak no iha kualidade,” nia hateten.

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!