Top

Bankada CNRT-FRETILIN sei submete kandidatu membru Conselho de Imprensa

Deputadu Partidu Congresso Nacional de Reconstrução Timorense (CNRT), Patrocínio dos Reis Fernandes. Imajen/Mídia SEKOMS.

DILI, 17 agostu 2023 (TATOLI)—Vise bankada CNRT iha Parlamentu Nasionál (PN), Patrocínio Fernandes, hateten bankada prepara hela kandidatu membru Conselho de Imprensa (CI) hodi bele submete ba meza PN.

Notisia Relevante: Expedito husu PN aselera hili membru CI foun troka nia

“Kona-ba Conselho de Imprensa bankada prepra hela atu submete ba meza Parlamentu,” Vise bankada ne’e hateten ba jornalista sira iha PN, kinta ne’e.

Deputadu Patrocínio seidauk bele fó sai figura kandidatu ne’e sé, tanba bainhira bankada submete ona naran kandidatu ba meza PN mak prosesu tuir mai sei liuhosi eleisaun iha plenária, nune’e plenária sei fó sai kandidatu nia identidade no kuríkulu vitae.

Bankada CNRT hanoin kandidatu ba membru CI presiza ema-ne’ebé iha koñesimentu natoon iha área mídia.

“Bele mai hosi jornalista, maibé ba Conselho de Imprensa konserteza bankada mós atentu kompreende uituan kona-ba funsaun ida-ne’e, ne’ebé sei haree ida-ne’e,” nia hateten.

Kona-ba sujestaun Sekretáriu Estadu Komunikasaun Sosiál (SEKOMS), Expedito dias Ximenes, katak kandidatu ne’ebé atu substitui nia karik bele jornalista feto ida, nia hatán, hanoin ida-ne’e presiza haree kandidatu ne’ebé iha esperiénsia natoon.

“Ne’e preferénsia Sekretáriu Estadu Komunikasaun Sosiál nian, maibé preferénsia ida-ne’e la signifika tenke obriga bankada hotu tenke halo tuir. Prinsípiu, ema hotu, feto no mane laiha diskriminasaun tanba lei asegura, ita aposta ba instituisaun sira-ne’e ba kualidade serbisu, se feto no mane ida iha kualidade di’akliu, nia merese. Ida-ne’e mak ita tau,” nia hateten

Vise Bankada FRETILIN, David Dias Ximenes ‘Mandati’, hateten bankada sei iha kandidatu ba membru Conselho de Imprensa, nune’e sei prepara kandidatu hodi aprezenta ba meza PN.

Jornalista : Nelson de Sousa

Editór        : Cancio Ximenes

Publisidade

Leave a Reply

Latest Post

error: Content is protected !!