Loron 120: CCLN prioriza verifikasaun dadus veteranu rejistadu 2009-fundu kontributivu
DILI, 25 agostu 2023 (TATOLI)—Prezidente Konsellu Kombatente Libertasaun Nasionál (CCLN, sigla portuges), Vidal de Jesus “Riak Leman”, hateten iha loron 120 nia-laran CCLN kontinua tau prioridade ba verifiksaun dadus veteranu rejistadu 2009 no fundu kontiributivu veteranu nian.
Notísia Relevante: CCLN suspende verifikasaun dadus veteranu 2009
“Iha loron 120 ne’e ami kontinua de’it programa no atividade sira-ne’ebé hala’o ona antes. Ida-ne’e mak ami sei halo iha 120 nia laran,” Riak Leman hateten ba Agência Tatoli, iha nia kna’ar fatin Arte Moris, Comoro, kinta ne’e.
Riak Leman hatutan, Orsamentu Retifikativu aprova ona no hein ekipa tun ba terrenu hodi halo verifikassaun ba lista 25% hosi 124.680 iha territóriu nasionál, tanba veteranu no veteran agora ne’e sira ferik-katuas hotu ona,” Riak Leman hateten.
Hosi pursentu kiik ne’e, Riak Leman fiar katak sei konklui iha fulan-dezembru tinan ne’e no sei taka validasaun iha tinan oin mai.
“Ita tenke konklui iha tinan ne’e, nune’e ita bele kontinua fali halo verifikasaun ho lista pendente veteranu rejistadu 2003 ho 2005 nian,” nia dehan.
Tuir nia, lista pendente hosi veteranu rejistadu 2003 ho 2005 nian ne’e hamutuk 6,177 iha territóriu nasionál ne’e, veteranu sira iha territórriu nasionál ne’ebé rejistadu iha tinan 2009 ne’e hamutuk ema na’iin-124.680.
Liuhosi konteúdu ne ebé mensiona iha Estatutu Kombatente Libertasaun Nasional, lei númeru 3/2006, no artigu 13 hateten Registo da Qualidade de Combatente da Libertação Nacional sei kontinua hala’o validasaun rejistu ba períodu daruak nian ba rekoñesimentu Kombatente hanesan Libertasaun Nasional ne ebé rejista ha tinan 2009.
Notísia Relevante: Fundu kontributivu kombatente iha osan-funan hamutuk $960.000
Jornalista : Osória Marques
Editór : Cancio Ximenes
