iklan

NASIONÁL, HEADLINE, POLÍTIKA

PT Wijaya Suara hakarak prodús filme fraternidade entre Indonézia no Timor-Leste

PT Wijaya Suara hakarak prodús filme fraternidade entre Indonézia no Timor-Leste

Primeiru-Ministru, Kay Rala Xanana Gusmão, dada-lia ho ekipa hosi PT Wijaya Suara Revolusi Sejati, iha Palásiu Governu, segunda (28/08/2023). Imajen Tatoli/Egas Cristóvão

DILI, 28 agostu 2023 (TATOLI)—Delegasaun hosi indústria filme hosi PT Wijaya Suara Revolusi Sejati Jakarta, Indonézia, segunda ne’e, hasoru malu ho Primeiru-Ministru, Kay Rala Xanana Gusmão, hodi hato’o inisitiava prodús filme kona-ba freternidade entre Repúblika Indonézia no Timor-Leste.

“Ami hosi PT Wijaya Suara sei prodús filme ida. Tanba ne’e ami mai hasoru Primeiru-Ministru hodi husu hanoin. Primeiru-Ministru konsidera inisiativa ne’e di’ak, ami mós hato’o títulu ba filme kona-ba fraternidade Indonézia ho Timor-Leste hodi haree ba istória pasadu entre nasaun rua nian to’o mai agora povu rai rua haree malu di’ak hanesan maun no alin,” Diretór PT Wijaya, Wahyuni Refi, hateten hafoin hasoru malu ho Xefe Governu, iha Palásiu Governu.

Notísia relevante : Prezidente Repúblika lansa filme “ABANDONADOS”

Ekipa produsaun hahú ona parte balun no halo ona vizita ba Timor dala-rua ona. Antes ne’e, ekipa hosi PT Wijaya vizita ona munisípiu Lautém no fatin sira ne’ebé durante ne’e hanesan fatin hirak ne’ebé militár Indonézia sira uza hodi hasoru Timor.

Biban ne’e, Primeiru-Ministru hato’o apresiasaun no apoia ba produsaun filme ne’e, tanba bele hametin liután relasaun entre povu no nasaun rua.

“Relasaun la’ós de’it ba filme fraternidade umana nian, maibé mós iha área seluk,” nia akresenta.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!