iklan

INTERNASIONÁL, DILI, HEADLINE

Prezidente Repúblika lansa filme “ABANDONADOS”

Prezidente Repúblika lansa filme “ABANDONADOS”

Prezidente Repúblika, José Ramos Horta. Imajen Tatoli/Francisco Sony

DILI, 15 novembru 2022 (TATOLI) – Prezidente Repúblika, José Ramos Horta, tersa ne’e, halo abertura direta ba filme ho titulu “ABANDONADOS” ne’ebé prodúz hosi Francisco Manco hanesan Diretór sinema iha Portugál.

“Filme ne’e director produtór sinema Francisco Manco ema ida ne’ebé koinesidu iha Europa mak konsege halo filme ne’e, filme ne’e nia halo ho nia vontade laiha apoiu hosi Governu rai rua hanesan Portugal no Timor – Leste, maibé nia prodúz filme bo’ot ida ne’e”, dehan PR Horta hafoin ramata abertura ba filme ne’e iha CCD-Dili.

Konteudu hosi filme ne’e mak ko’alia liu kona-ba istória Timor – Leste nian iha tempu segunda guerra mundial, maibé seidauk kompletu tanba sei falta buat barak, maske invazaun Japaun nian iha nasaun sira iha Ázia la kle’ur, maibé oho ema barak.

“Segunda guerra mundial iha Europa ema “juta ba juta” mak mate, invazaun Japaun iha Ázia ne’e, ema lubun ba lubun mak mate liuliu Filipina, Malázia, Myanmar, Papua Nova Guiné, Timor-Leste no nasaun ki’ik sira iha tasi pasífiku nian”, nia afirma.

Nune’e,  iha filme ne’e konta de’it istória importante kona-ba papél importante ofisiál Portugés ida Tanente Pirez hanesan membru administrasaun koloniál ne’ebé hola parte iha rejime Salazar nian.

Filme ne’e halo narrasaun kona-ba Segunda Guerra Mundial, bazeia ba faktu reál sira kona-ba invazaun japoneza iha Timor-Leste no nia rezisténsia, inklui kompañia militár Australiana nian ida ne’ebé halo primeira derrota hasoru forsa Japonés iha marxa triunfál to’o ba [asífiku.

Buat ne’e bele akontese tanba timoroan sira presta apoiu hodi hatan ba asasinatu, na’ok no violénsia sira ne’ebé prátika durante períodu tropa japonés nia invazaun iha Timor-Leste husi fulan-Fevereiru tinan 1942 to’o fulan-Agostu tinan 1945. Ne’ebé hatudu mós korajen no determinasaun portugés sira nian ne’ebé horik-hela iha territóriu ne’e.

Militár, funsionáriu, plantadór no deportadu sira tanba motivu polítiku sira ne’ebé desterradu iha Timór mós envolve eroikamente iha rezisténsia ne’e iha foho, ne’ebé mós hetan terus ba asasinatu, vítima ba hamlaha, moras no tratamentu aat.

Filme ne’e halo narrasaun mós kona-ba autoridade portugeza balun hanesna  militár no sivil  ne’ebé hala’o kna’ar hodi proteje no salva vítima hirak ne’e.

Funu durante tinan 3 ho balun iha okupasaun Japoneza ne’e hamosu efeitu devastadu, ne’ebé halo terus timoroan sira besik na’in-50.000.

Importánsia husi akontesimentu trájiku istória Portuguesa no Timor-Leste ne’e, tenke alerta kona-ba falta protesaun ba ema-sivil sira ne’ebé hasoru konflitu armadu, situasaun ne’ebé bele repete síklikamente iha zona barak iha mundu, tanba desrespeitu totál ba direitus umanus, ne’ebé konfere desizivamente nu’udar “Abandonados” ida iha signifikadu universál.

Gravasaun ba filme “ABANDONADOS” hala’o iha illa Porto Santo no Madeira, ne’ebé iha illa ida ikus ne’e iha zona ba ai-laran metin, ho foho-lolon no foho sira ne’ebé aas ne’ebé sei kria ai-laran sira Timor-Leste nian.

Alende iha autór sira ne’ebé koñesidu sira envolve iha filme ne’e hanesan: Marco Delgado, António Pedro Cerdeira, Elmano Sancho, Virgilio Castelo, Vitor Norte, Joaquim Nicolau, no sira seluk, iha mós timoroan sira lubuk ida ne’ebé envolve mós iha filme ne’e nia laran hanesan autór figurante sira.

Jornalista: Hortencio Sanchez

Editór        : Florencio Miranda Ximenes

iklan
iklan

Leave a Reply

iklan
error: Content is protected !!