DILI, 11 setembru 2023 (TATOLI)—Prezidente Partidu Frente Revolsionáriu Timor-Leste Independente (FRETILIN), Francisco Guterres Lú Olo, iha esperansa ba IX Governu Konstituisionál atu lori rezultadu di’ak ba programa sira-ne’ebé trasa ona iha loron 120 nia laran ne’e.
Notísia Relevante: PM Xanana: “Loron 120 sei anula lei kria munisípiu Ataúro-konsolida pás”
“Ha’u hakarak hateten de’it, Governu ida-ne’e iha loron 120 nia laran ne’ebé Primeiru-Ministru, Kay Rala Xanana Gusmão, hateten rasik iha tomada pose katak iha loron 120 ne’e, iha programa ida estabelese tiha ona. Ita hotu hein sa rezultadu mak depois bele fó,” Lú Olo hateten ba jornalista sira iha sede Comité Central FRETILIN (CCF), Comoro, segunda ne’e.
Nia hateten, tuir mai programa IX Governu no Orsamentu Retifikativu ne’ebé aprova liu ona iha Parlamentu Nasionál, ne’ebé povu hein Governu ida-ne’e bele iha kapasidade atu ezekuta orsamentu ida-ne’e ho di’ak no atu bele hetan retornu di’ak hosi Orsamentu Retifikativu ne’ebé mak aprova ona.
Notísia Relevante: Loron 120: CNRT prioriza sei aprezenta inisiativa altera lei pensaun vitalísia
Jornalista : Nelson de Sousa
Editór : Cancio Ximenes
