iklan

JUSTISA, DILI

Iha tempu badak TR sei fó sai fiskalizasaun abstrata Estatutu PNTL

Iha tempu badak TR sei fó sai fiskalizasaun abstrata Estatutu PNTL

Komandante Jerál PNTL, Henrique da Costa hasai foto hamutuk iha seremónia tomada pose ba kargu Komandante Munisípiu, Komandante Komandu Kuartel, Diretór, Xefe Gabinete, Iha salaun Komandu Jerál PNTL, Dili, kuarta (31/05). Imajen Tatoli /Egas Cristóvão

DILI, 12 setembru 2023 (TATOLI)—Prezidente Tribunál Rekursu, Deolindo dos Santos, hateten iha tempu badak Tribunál Rekursu (TR) sei fó sai rezultadu ba pedidu hosi Provedória Direitu Umanu no Justisa (PDHJ) ne’ebé husu atu halo fiskalizasaun abstrata ba dekretu-lei númeru 69/2022, 22 setembru, kona-ba Estatutu Polísia Nasionál Timor-Leste (PNTL).

Notísia Relevante:  PDHJ husu TR halo fiskalizasaun abstrata ba Estatutu PNTL

“Kona-ba méritu labele pronúnsia prosesu Tribunál nian ba públiku, maibé tramitasaun hanoin prosesu ne’ebé iha hela Tribunál Rekursu (TR) ba pedidu ida hosi PDHJ ne’ebé agora iha hela, Tribunál halo hela apresiasaun iha tramitasaun la’o normal. Tanba, notifika entidade kompetente sira atu hato’o sira-nia paresér sira hotu ona,” Prezidente Tribunál Rekursu, Deolindo dos Santos, hateten ba jornalista sira iha uma fukun Parlamentu Nasionál, tersa ne’e.

Tuir loloos, nia hateten, deside ona maibé agora iha feriadu judisiál nia laran hela entaun prazu suspende, nune’e ho hanoin ida depois retoma serbisu normalmente iha 16 setembru maibé ne’e sábadu, tanba ne’e mak iha 18 setembru ba oin mak atu deside prosesu.

Ddesizaun ba prosesu ne’e, sei fó sai iha tempu badak nia laran hafoin retoma serbisu iha 18 setembru mak sei ajenda ba plenária no Tribunál Rekursu (TR) sei deside matéria ne’e.

Jornalista : Nelson de Sousa

Editór         : Cancio Ximenes

 

iklan
iklan

Leave a Reply

iklan
error: Content is protected !!