NASIONÁL, JUSTISA, HEADLINE

Governu propoin Sérgio Hornai no Rui dos Santos ba kargu Komisáriu CAC

Governu propoin Sérgio Hornai no Rui dos Santos ba kargu Komisáriu CAC

Primeiru-Ministru, Kay Rala Xanana Gusmão, lidera reuniaun Konsellu Ministru, iha Palásiu Governu, kuarta (13/09/2023). Imajen Tatoli/Francisco Sony

DILI, 13 setembru 2023 (TATOLI)Governu liuhosi reuniaun Konsellu Ministru (KM), kuarta ne’e, aprova projetu proposta rezolusaun, ne’ebé aprezenta hosi Primeiru-Ministru, Kay Rala Xanana Gusmão.

“Proposta rezolusaun ne’e kona-ba naran sira hanesan, Sérgio de Jesus Fernandes da Costa Hornai no Rui Pereira dos Santos ne’ebé propoin ba Parlamentu Nasionál ba kargu Komisáriu Komisaun Antí-Korrupsaun (CAC, sigla portugés) hodi hetan aprovasaun,” Ministru Prezidénsia Konsellu Ministru, Agio Pereira, hateten, hafoin reuniaun ezekutivu, iha Palásiu Governu.

Notísia relevante : Tempu badak Governu sei aprezenta kandidatu komisáriu CAC ba PN

Tuir lejizlasaun ne’ebé vigora, naran sira ne’ebé propoin hosi Governu agora sei analiza no vota hosi Parlamentu Nasionál, no sira-nia dezignasaun sei presiza maioria absoluta hosi deputadu ne’ebé marka prezensa, pelumenus 3/4 hosi deputadu ho funsaun efetiva.

Mandatu Komisáriu CAC, Sérgio Hornai ramata ona iha janeiru 2023, nune’e iha mandatu VIII Governu Konstitusionál propoin José da Costa Ximenes (antigu Prokuradoria Jerál Repúblika) ba Komisáriu CAC maibé Parlamentu Nasionál la konsege diskute to’o agora.

Jornalista      : Antónia Gusmão

Editora           : Julia Chatarina

iklan
iklan

Leave a Reply

iklan
error: Content is protected !!