DILI, 13 setembru 2023 (TATOLI)– Prezidente Repúblika, José Ramos Horta, kuarta ne’e, simu ona karta krendensiál hosi Embaixadór naun-rezidente hosi nasaun neen iha Palásiu Prezidensiál Bairu-Pité Dili.
“Estabelesimentu no reforsa ligasaun amizade entre Repúblika Demokrátika Timor-Leste (RDTL) ho nasaun seluk mak importante tanba Timor-Leste nu’udar nasaun soberania ne’ebé interdependente globalmente no rejionalmente,” informa iha komunikadu imprensa ne’ebé Agência TATOLI assesu hosi média Gabinete Prezidente Repúblika.
Notísia Relevante :PR simu karta kredensiál hosi Embaixadór Malázia
Embaixadór sira hosi nasaun neen ne’ebé aprezenta sira-nia kredensiál mak hanesan, Ahmed Abdullah Alharmasi hanesan Embaixadór ba Reinu Bahrain, ne’ebé hela iha Jakarta, Indonézia, Abdullah Salem Obaid Salem AIDhaherri nu’udar Embaixadór ba Emiradu Arabe Unidu (EAU), ne’ebé hela iha Jakarta, Indonézia, Faisal Abdukkah H. Amodi, Embaixadór ba Arabia Saudita, ne’ebé hela iha Jakarta, Indonézia.
Enkuantu, Oliver Zehnder nu’udar Embaixadór ba Konfederasaun Suiça, ne ebé hela iha Jakarta, Indonézia, Padanig Francis, Embaixadór ba Repúblika Irlanda, ne’ebé hela iha Jakarta, Indonézia, Fabien Penone, Embaixadór ba Repúblika Franseza, ne’ebé hela iha Jakarta, Indonézia.
Notísia Relevante :PR Horta simu karta kredensiál Embaixadór hosi nasaun 11
Jornalista: Hortencio Sanchez
Editór : Agapito dos Santos
