iklan

EKONOMIA

Federal Insurance iha inisiativa promove servisu seguru ba Governu

Federal Insurance iha inisiativa promove servisu seguru ba Governu

Vise Primeiru-Ministru, Ministru Koordenadór Asuntu Sosiál no Ministru Desenvolvimentu Rurál no Abitasaun Komunitária, Mariano Assanami Sabino, halo enkontru ho Diretór Federal Insurance, Perosi Su’a no ekipa, iha Gabinete VPM, Palásiu Governu, sesta (15/09/2023). Imajen/Mídia VPM

DILI, 16 setembru 2023 (TATOLI)Vise Primeiru-Ministru, Ministru Koordenadór Asuntu Sosiál no Ministru Desenvolvimentu Rurál no Abitasaun Komunitária, Mariano Assanami Sabino, iha sesta (15/09), halo enkontru ho Diretór Federal Insurance, Perosi Su’a no ekipa hodi ko’alia kona-ba promove servisu seguru ba membru Governu.

“Bainhira iha reklamasaun ruma ho kustu ne’ebé boot, kliente ou na’in sira sei selu de’it kustu ki’ik, nune’e restante hosi empreza seguru mak sei responsabiliza no selu. Tanba ne’e hakarak husu Ministru nia apoiu ba seguru ne’ebé iha atu bele fornese seguru ne’e ba membru Governu sira,” Perosi Su’a informa hafoin hasoru malu ho Vise Primeiru-Ministru iha Gabinete VGPM, Palásiu Governu.

Notísia relevante : FONGTIL introdúz servisu auditoria sosiál ba Assanami

Federal Insurance nota katak haree ba situasaun rai-laran presiza tebes promosaun seguransa jerál.

Nune’e, iha fulan-agostu no setembru tinan kotuk, Federal Insurance oferese ona semináriu ida ba Governu anteriór. Tanba ne’e, tinan ida ne’e hakarak mai vizita dala-ida tan Governu foun atu promove produtu seguransa ne’ebé bele sai interese, hanesan ba konstrusaun no sasán sira.

Hosi diskusaun ne’ebé hala’o, Ministru Assanami apresia ho inisiativa no hetan resposta pozitivu, ne’ebé posibilidade sei iha tan enkontru ho ministériu relevante iha área sosiál hodi bele kria semináriu no halo diskusaun atu ajente Estadu sira bele hola parte iha laran no bele diskute kle’an no detallu liután kona-ba produtu seguru.

Jornalista     : Hortencio Sanchez

Editora          : Julia Chatarina

iklan
iklan

Leave a Reply

iklan
error: Content is protected !!