iklan

SAÚDE

Kalendáriu kompleta kuidadu saúde kardíaku Lahane sei to’o dezembru

Kalendáriu kompleta kuidadu saúde kardíaku Lahane sei to’o dezembru

Especialista Cardiolojista (fuan) iha HNGV, Dr.Herculano Seixas dos Santos. Imajen TATOLI/Egas Cristóvão.

DILI, 18 setembru 2023 (TATOLI)— Kalendáriu atu halo kompleta kuidadu saúde kardíaku Lahane ba pakote mínimu sei to’o iha dezembru.

“Governu da sia nafatin fó fiar mai ha’u ekipa atu lidera grupu servisu ida ne’e atu nune’e bele aprezenta planu sira no aprezenta faze planu estabelesimentu kardíaku ho detallu tékniku sira, nune’e bele kontinua preparasaun sira atu gradualmente ita bele estabelese sentru kardíaku Lahane ba pakote mínimu sei to’o iha dezembru,” Koordenadór Ekipa Estabelesimentu Sentru Kardíaku iha Timor-Leste, Herculano Seixas, informa iha nia knaar fatin, HNGV, ohin.

Koordenadór ne’e esplika, pakote mínimu ne’e iha faze tolu: 1) faze kondisionamentu, 2) faze instala makina tau kadeli ba fuan no 3) faze pakote komprensivu ba sentru kardíaku.

Faze kondisionamentu, tanba pratikamente   Timor-Leste seidauk iha no sentru kardíaku ne’e’ebé eziste entaun hakarak hahú ho faze kondisionamentu ne’ebé kompostu husi pakote servisu sentru kardíaku nian.

Pakote mínimu sentru kardíaku ida ne’e defini kalendáriu pakote mínimu sentru kardíaku ne’e hahú iha fulan janeiru to’o dezembru tinan ne’e.

Buat ne’ebé mak tenke kompleta iha pakote mínimu ida ne’e mak dahuluk prepara kama lima ba servisu emerjénsia fuan nian, daruak ita prepara sala kuidadu intensivu ba fuan  nian; ida ne’e  kompstu husi kama 10   depois prepara mós kama 20 ba sala baixa  normál ba pasiente  sira ne’ebé mak ho moras fuan.

Nia informa iha Unidade non invasivus ne’e saida mak atu halo iha ne’eba mak médiku sira tenke halo estudu   rutina hanesan gravasaun fuan, leno fuan, no mós halo monitorizasaun ambulatóriu ba tensaun arteriál.

“Ita mós iha unidade kuidadu non-invasivus   no saida mak ita atu halo iha unidade kuidadu non-invasivus ida ne’e mak ita atu halo estudu sira ne’ebé rutina hanesan gravasaun fuan leno fuan ka ekokardiograma no ita mós halo monitorizasaun ambulatóriu ba tensaun arterial ita halo estudu   trenmit ita mós halo rgravasaun ba fuan mas nia durasaun ne’e 24 oras   ida ne’e mak ita atu halo iha uniddae non-invaisivus ida ne’e,” nia esplika.

Maibé, tuir nia, husi pakote mínimu ne’e servisu ida ne’e tenke kompleta mós ho servisu    apoiu sira hanesan ai-moruk ka farmasia laboratóriu mínimu, nutrisaun servisu rejistu médiku ka medical record ne’e ho servisu administrativu sira.

“Entaun pakote mínimu nia atinjimentu ba infraestrutura ita bele dehan 100% tanba infraestrutura ne’e ita uza nafatin ospitál Antonio Carvalho ne’ebé mak uluk uza ba atendimentu COVID-19 ne’ebé mak modifikasaun ona kona -ba fasilidade mós atinji ona  mais 81%;  ita iha kama, ita iha ai-moruk ba emerjénsia fuan nian ita mós prepara monitor no aparelo sira ne’ebé mak atu  halo kompleta standar pakote  servisu kardíaku mínimu ita halo kompletu ona,” Herculano Seixas tenik.

Tanba ne’e, Herculano Seixas afirma, ekipa sira ne’e kontinua servisu nune’e iha dezembru bele finaliza pakote saúde mínimu inklui  konsulta ambulatóriu ho   nia komponente sira seluk ne’ebé sei  ba konsulta iha Lahane.

Bainhira ida ne’e prontu signifika konsulta paseinte sira moras fuan ne’e muda ba Lahane, tantu pasiente sira iha Dili laran, no mós pasiente sira ne’ebé transfere mai husi munisípiu ita fó konsulta ba sira iha Lahane.

“Kona-ba fasilidade ba pakote mínimu ne’e pratikamente mais 80% preparadu ona; agora ekipa sira ne’e kontinua servisu nune’e iha dezembru ita bele finaliza pakote saúde minimu ida ne’e,” nia garante.

Iha faze daruak, mak faze dezenvolvimentu, entaun faze dezenvolvimentu ne’e sei kompleta tan ho pakote adisionál, pakote adisionál ne’ebé mak médiku sira hakarak aumenta iha faze daruak mak, kompleta makina cat lap atu tau kadeli ba fuan  ida ne’e hahú iha fulan setembru too juñu 2024.

“Iha faze daruak ne’e ita hakarak instala makina tau kadeli ba fuan nian, no tau batarea ba fuan, depois halo mós intervensaun estruturál sira seluk, depois ita estabelese sala-operasaun ba fuan nian, tuirmai hakarak reforsa liutan meius diagnóstiku ba fuan nian, nune’e ita hakarak foku ba iha estudu radiolojia sira ne’ebé mak ligadu ho fuan, makina hanesan CT scan ida ne’e ita hahú iha fulan setembru 2023 ne’e too fulan juñu 2024,” nia hatutan.

Koordenadór Ekipa Estabelesimentu Sentru Kardíaku iha Timor-Leste, Herculano Seixas, reiteira: “Faze datoluk mak pakote komprensivu ba sentru kardíaku, mak hakarak halo kompleta hotu ona, nesesidade sira ne’ebé presiza priense para halo sentru kardíaku ne’e funsiona masimu, atu nune’e   bele redus ona transferénsia pasiente ba iha rai-li’ur”.

Notísia relevante:Kardiolojista husu Governu foun investe sentru kardiaku atu redúz transferénsia

Jornalista: Felicidade Ximenes

Editór: Rafael Ximenes de A. Belo

 

iklan
iklan

Leave a Reply

iklan
error: Content is protected !!