iklan

HEADLINE, SEGURANSA

Janeiru to’o agostu, PNTL Díli rekolla reseita $267.861

Janeiru to’o agostu, PNTL Díli rekolla reseita $267.861

PNTL Dili halo pasa revista ba motorizada.Imajen/PNTL

DILI, 19 setembru 2023 (TATOLI)- Komandante Polísia Nasionál Timor-Leste (PNTL) Munisipiu Díli, Superintendente Xefe Polísia, Orlando Gomes, informa,   hahu hosi fulan janeiru to’o agustu tinan ne’e,  komandu munisipiu Díli rekolla reseita $267.861.

Reseita ne’e rekolla liuhosi atividade pasa viatura sira la ho dokumentu no asesoria kompletu, nune’e iha janeiru rekolla reseita $38.363, fevreiru $27. 169, marsu $27.861, abríl $20.767, maiu $64.642, jullu $19.538, juñu $34.420 agustu  $28.359.

“Atividade pasa revista ba fulan ualu nian ne’ebé halo hosi Komandu Munisipiu Díli,liuliu ba viatura sira ne’ebé la kumpri kódigu estrada  komete infrasaun mak ita aplika multa  ba sira, iha fulan-ualu ne’e, ita konsege kontribui reseita ba estadu ho osan hamutuk $ 267.861,” relata Superintendente Xefe Polísia ne’e ba jornalista sira iha Komandu PNTL Díli, Caicoli, tersa ne’e.

Komandante Orlando hateten, atividade pasa revista sei kontinua nafatin, tanba ne’e husu komunidade atu kumpre regra kódigu estrada .

“Ita aplika regra, ita halo apreensaun ba evidensia sira ne’e no ikus haruka infratór sira  ba selu iha banku mak ba foti fali nia motorizada,” nia informa.

Notisia relevante: Janeiru too abríl, PNTL rekolla reseita $188,307

Jornalista: Natalino Costa  

Editór    : Florencio Miranda Ximenes

iklan
iklan

Leave a Reply

iklan
error: Content is protected !!