iklan

POLÍTIKA

PPN fó pose ba membru CI Isabel Maria Fernandes de Jesus

PPN fó pose ba membru CI Isabel Maria Fernandes de Jesus

Prezidente Parlamentu Nasionál, Maria Fernanda Lay, fó pose ba membru CI Isabel Maria Fernandes de Jesus, iha sala konferénsia PN, kinta (21/09). Imajen TATOLI/Egas Cristóvão.

DILI, 21 setembru 2023 (TATOLI)—Prezidente Parlamentu Nasionál (PPN), Maria Fernanda Lay, kinta ne’e, fó pose ba membru Conselho de Imprensa de Timor-Leste, Isabel Maria Fernandes de Jesus, ne’ebé troka Expedito Dias Ximenes ba restu mandatu 2023-2025.

Notísia Relevante: PN hili Isabel Maria Fernandes de Jesus substitui Expedito ba membru CI

Prezidente Parlamentu Nasionál, Maria Fernanda Lay, fó pose ba membru Konsellu Imprensa Isabel Maria fernandes de Jesus, iha sala konferénsia PN, kinta (21/09). Imajen TATOLI/Egas Cristóvão.

“Parabéns ba membru CI foun, ne’ebé hanoin kompleta ona membru Conselho de Imprensa. Iha ha’u-nia mensajen hato’o katak sira bele hala’o sira-nia serbisu foti desizaun liga ho mídia iha rai-laran. Espera mós bele tau matan liu ba edukasaun sívika ba ita-nia jornalista para hakerek ne’e saida mak realidade, di’ak no aat hodi iha balansu no krítika konstrutivu,” Prezidente PN ne’e hateten ba jornalista sira iha uma fukun PN.

Nia hein katak ho membru CI ne’ebé kompleta ona, sira bele elabora sira-nia Orsamentu ba tinan oin no foti desizaun ruma bainhira liga ba imprensa iha rai-laran.

Membru CI, Isabel Maria Fernandes de Jesus, hato’o agradesimentu ba Maromak tanba buat hotu bele akontese tanba forsa Maromak nian, nune’e nia parte prontu ba serbi.

“Ba dahuluk agradese ba Maromak, tanba buat hotu bele akontese tanba forsa Maromak nian. Entaun, biban ida ohin, importante tebes mai ha’u sai sasin katak prontu atu bele kontinua serbisu ne’ebé mak atuál Sekretáriu Estadu Komunikasaun Sosiál (eis membru CI) hosik hela no maske ho restante mandatu, maibé ha’u ho onra ida prontu atu serbi,” nia hateten.

Hoestu mandatu ne’e, nia hateten, sei koopera ho membru konselleiru Conselho de Imprensa (CI) seluk hodi haree serbisu sira-ne’ebé iha ona.

“Aleinde koopera ho membru konsilleiru sira seluk iha CI, buat ida importante liu mak ha’u bele halo jestaun instituisionál ho hanoin ida dezenvolvimentu ba rekursu umanu tantu externa no interna importante tebes,” nia hateten.

oezenvolvimentu rekursu umanu interna no externa ne’ebé halo mak liuhusi kapasitasaun no estudu komparativu, aleinde kooperasaun interna no externa no karik iha kooperasaun instituisionál ho órgaun komunikasaun sosiál no asosiasaun sira.

“Programa sira-ne’e sai prioridade ba ha’u, ho restu mandatu ne’ebé iha no labele mai ho planu barak,” nia hateten.  

Jornalista : Nelson de Sousa 

Editór      : Cancio Ximenes 

iklan
iklan

Leave a Reply

iklan
error: Content is protected !!