BAUCAU, 25 setembru 2023 (TATOLI) – Ezekusaun Orsamentu Jerál Estadu (OJE) tinan fiskál 2023 iha Autoridade Administrasaun Munisipál Baucau atinji ona 74.6% hosi totál orsamentu $7.564,824.00.
Sekretáriu Munisipál Administrasaun Baucau, Simão dos Santos Marques Pinheiro, esplika, ezkusaun refere hosi totál orsamentu ne’ebé prevista komposta hosi kompromisu sira hamutuk $89,423.91, obrigasaun $39,819.30, atuál $5,602.993.82 no saldu hela $1.832.586.97.
“Ita sei hela fulan-tolu ba oin, espera to’o fulan-dezembru ita bele atinje pursentu 90 resin,” Sekretáriu admistrasaun munisipál informa ba Agência TATOLI iha Buruma, segunda ne’e.
Hosi totál ezekusaun orsamentu refere aloka ba serbisu munisipál finansa hamutuk $2,621.656.00 ezekuta ona pursentu 66.3 no hela saldu $824,627.90, serbisu munisipál saúde hamutuk $342,174.00, ezekuta ona pursentu 63.8 no hela saldo $122,954.79, serbisu munisipál edukasaun hamutuk $2,657.409.00, ezekuta ona pursentu 90.4 no hela saldo $253,858.76.
Alende ne’e, serbisu munisipál agrikultura hamutuk $524,111.00, ezekuta ona pursentu 61.9 no hela saldo $199,627.99, serbisu munisipál obras publiku hamutuk $128,468.00 ezekuta ona pursentu 70.3 no hela saldo $31,325.54, serbisu munisipál água no saneamentu hamutuk $123,468.00 ezekuta ona pursentu 60.8 no hela saldo $28,581.66.
Serbisu munisipál jestaun merkadu no turismu total alokasaun orsamentu hamutuk $ $ 26,038.00 ezekuta ona pursentu 52.4 no saldo $ 11,873.50, Serbisu munisipál rejistu notariadu no kadastrál totál alokasaun orsamentu hamutuk $ 40,743.00, ezekuta ona pursentu 58.5 no saldo $ 15,654.25.
Serbisu munisipál protesaun sivíl totál alokasaun orsamentu $42,679.00 ezekuta ona pursentu 58.4 no saldo $ 17,732.80, Serbisu munisipál seguransa alimentár total alokasaun orsamentu hamutuk $47,537.00, ezekuta ona pursentu 69.5 no saldo $14,371.00.
Admistrasaun postu administrativu neen totaá alokasaun $889,415.00 ezekuta ona pursentu 67.4 no saldo $288,670.34 no Serbisu munisipál asaun sosiál total alokasaun orsamentu $121,295.00, ezekuta ona pursentu 80.3 no saldo $23,308.44
“Orsamentu ida-ne’e inklui projetu Programa Dezenvolvimentu Integradu Munisipál (PDIM) tanba ne’e bainhira kompañia sira hato’o pedidu orsamentu ita sei ezekuta to’o pjursentu 90 resin,” Simão dos Santos akresenta.
Autoridade Munisipál Baucau iha 2023 hetan alokasaun orsamentu hamutuk tokon $7.6 resin hodi asegura dezenvolvimentu rural liuhosi konstrusaun estrada no ponte, eskola, postu saúde, postu administrativu no sede suku sira, saneamentu inklui atividade Programa Mão-de-Obra Postu Administrativu (PMOPA) no PDIM.
Jornalista : Natalino Belo
Editór : Evaristo Soares Martins
